શું અમેરિકાને હલબલાવશે ‘‘આર્થિક હાર્ટ એટેક''?
અમેરિકા હવે મોટા દેવાના જાળમાં ફસાઈ ગયું છેઃ જો દેશમાં દેવું અને વધતી જતી અસમાનતાને નિયંત્રિત કરવામાં નહીં આવે તો વિશ્વની સૌથી મોટી અર્થવ્યવસ્થા ધીમે ધીમે તૂટી જશે
નવી દિલ્હી તા.૧૩: એ કોઈ રહસ્ય નથી કે અમેરિકાની આર્થિક સ્થિતિ સારી નથી. રાષ્ટ્રપતિ ડોનાલ્ડ ટ્રમ્પની ટેરિફ નીતિએ અમેરિકાની સમસ્યાઓને વધુ વધારી દીધી છે. હવે, અબજોપતિ રોકાણકાર રે ડાલિયોએ યુએસ અર્થતંત્ર વિશે ચેતવણી જારી કરી છે જે વોલ સ્ટ્રીટથી લઈને વ્હાઇટ હાઉસ સુધી દરેકને હચમચાવી રહી છે. રે ડાલિયો એ વ્યક્તિ હતા જેમણે સૌપ્રથમ ૨૦૦૮ ની મંદીની આગાહી કરી હતી. હવે, તેમણે કહ્યું છે કે અમેરિકાનું જાહેર દેવું એટલું વધી ગયું છે કે તે ૅદેશની ધમનીઓમાં ચરબી ભરાઈ ગઈ છેૅ. જો તેને સમયસર સાફ કરવામાં નહીં આવે, તો તે અમેરિકા માટે ૅઆર્થિક હૃદયરોગનો હુમલોૅ લાવી શકે છે.
બ્રિજવોટર એસોસિએટ્સના સ્થાપક ડાલિયોએ બ્લૂમબર્ગ સાથેની એક મુલાકાતમાં જણાવ્યું હતું કે, ૅઅમેરિકાની નાણાકીય સ્થિતિ એવી થઈ ગઈ છે કે જેની ધમનીઓ બંધ થઈ ગઈ છે. લોહી (પૈસા) વહેતું બંધ થઈ ગયું છે, અને આખી સિસ્ટમ કટોકટીમાં છે. યુએસ કોંગ્રેસનલ બજેટ ઓફિસ (CBO) અનુસાર, ૨૦૨૪ માં અમેરિકાનું જાહેર દેવું તેના GDP ના ૯૯% સુધી પહોંચી ગયું હતું. આગામી દસ વર્ષમાં, ૨૦૩૪ સુધીમાં, આ આંકડો ૧૧૬% ને વટાવી જશે.
ડાલિયોએ અમેરિકાની વર્તમાન પરિસ્થિતિની તુલના ૧૯૩૦ ના દાયકાના આર્થિક મંદી સાથે કરી. તે સમયે, આર્થિક મંદી, અસમાનતા અને વૈશ્વિક તણાવ ચરમસીમાએ હતા. હવે, અમેરિકામાં પણ આર્થિક અસમાનતા ચરમસીમાએ છે. આજે, જ્યારે ટોચના ૧૦% સૌથી ધનિક લોકો દેશની કુલ સંપત્તિના બે તૃતીયાંશ ભાગ ધરાવે છે, ત્યારે નીચલા ૫૦% લોકો કુલ સંપત્તિના ૪% કરતા ઓછી સંપત્તિ ધરાવે છે. ડાલિયોએ ચેતવણી આપી હતી કે, જ્યારે સંપત્તિ અને મૂલ્યોમાં આટલી ઊંડી અસમાનતા હોય છે, ત્યારે સંઘર્ષ વધે છે, અને આજે અમેરિકામાં આ જ થઈ રહ્યું છે.
ડાલિયોએ અગાઉ ચેતવણી આપી હતી કે ટ્રમ્પ વહીવટીતંત્રના ટેરિફ અને નીતિગત નિર્ણયોએ અમેરિકાની આર્થિક સ્થિરતાને નબળી પાડી છે. તેમણે કહ્યું હતું કે, દેવું, ટેરિફ અને સત્તા સંઘર્ષ - આ ત્રણેય આર્થિક વ્યવસ્થાને અંદરથી ખાઈ રહ્યા છે. ડાલિયો માને છે કે અમેરિકા ૅઅહિસક ગૃહયુદ્ધૅ તરફ આગળ વધી રહ્યું છે, એક એવો સંઘર્ષ જે બંદૂકોથી નહીં, પરંતુ રાજકીય ધ્રુવીકરણ, સામાજિક ગુસ્સો અને આર્થિક ભંગાણ દ્વારા લડવામાં આવશે.
(9:44 AM IST)
છેલ્લા 8 દિવસમાં સૌથી લોકપ્રિય 
