ભોપાલઃ મધ્‍યપ્રદેશની રાજધાની ભોપાલમાં ઓનલાઈન ડિલિવરી કંપની બ્‍લિંકિટના ડિલિવરી બોયઝની ગુંડાગીરીનો એક કિસ્‍સો સામે આવ્‍યો છે. અહીં કેટલાક ડિલિવરી બોયઝે કથિત રીતે એક ભાજપ નેતાના ઘરે લાકડી-દંડા લઈને હુમલો કર્યો હતો.

પ્રાથમિક માહિતી અનુસાર, કોઈક બાબતે વિવાદ થયા બાદ ડિલિવરી બોયઝનું ટોળું ભાજપ નેતાના ઘરે પહોંચ્‍યું હતું. જ્‍યારે નેતાએ દરવાજો ન ખોલ્‍યો, ત્‍યારે તેમણે બહાર હાજર રહેલા નોકરોને માર માર્યો હતો.

આ સમગ્ર ઘટના સીસીટીવી કેમેરામાં કેદ થઈ ગઈ છે. હુમલાનું ચોક્કસ કારણ શું હતું તે હજુ સ્‍પષ્ટ થયું નથી. પોલીસે આ મામલે ફરિયાદ નોંધીને તપાસ હાથ ધરી છે.

આ ઘટનાએ ઓનલાઈન ડિલિવરી પ્‍લેટફોર્મ સાથે જોડાયેલા કર્મચારીઓના વર્તન અને સુરક્ષા અંગે ગંભીર સવાલો ઉભા કર્યા છે.