પોઝા રિકા, તા.૧૩: તાજેતરના દિવસોમાં પડી રહેલા મુશળધાર વરસાદને કારણે મેક્‍સિકોમાં પરિસ્‍થિતિ વધુ ખરાબ થઈ રહી છે. ભારે વરસાદને કારણે પૂર જેવી સ્‍થિતિ સર્જાઈ છે. અનેક વિસ્‍તારોમાં ભૂસ્‍ખલનના પણ અહેવાલ છે. સતત વરસાદને કારણે મેક્‍સિકોમાં પૂર અને ભૂસ્‍ખલનને કારણે ૪૧ લોકોનાં મોત થયા છે. અહેવાલો અનુસાર, ૬ થી ૯ ઓક્‍ટોબર દરમિયાન મેક્‍સીકન રાજ્‍ય વેરાક્રુઝમાં આશરે ૫૪૦ મિલીમીટર (૨૧ ઇંચથી વધુ) વરસાદ પડ્‍યો હતો. મેક્‍સિકો સિટીથી ૧૭૦ માઇલ (૨૭૫ કિલોમીટર) ઉત્તરપૂર્વમાં સ્‍થિત તેલ શહેર પોઝા રિકામાં પૂર પહેલા કોઈ ચોક્કસ ચેતવણી જારી કરવામાં આવી ન હતી.

મેક્‍સિકોના રાષ્‍ટ્રીય નાગરિક સુરક્ષા સંકલન દ્વારા અહેવાલ આપવામાં આવ્‍યો છે કે શનિવાર સુધીમાં મેક્‍સિકો સિટીની ઉત્તરે આવેલા હિડાલ્‍ગો રાજ્‍યમાં ભારે વરસાદને કારણે ૧૬ લોકો માર્યા ગયા છે અને ૧૫૦ સમુદાયોને વીજળી ગુલ થવાનો સામનો કરવો પડ્‍યો છે.

મેક્‍સિકો સિટીના પૂર્વમાં આવેલા પુએબ્‍લા રાજ્‍યમાં ઓછામાં ઓછા નવ લોકો માર્યા ગયા હતા અને ૧૬,૦૦૦ થી વધુ ઘરોને નુકસાન થયું હતું અથવા નાશ પામ્‍યા હતા. વેરાક્રુઝ રાજ્‍યમાં પણ પંદર લોકો માર્યા ગયા હતા, જ્‍યાં સેના અને નૌકાદળ ભૂસ્‍ખલન અને પૂરથી અલગ થયેલા ૪૨ સમુદાયોના રહેવાસીઓને બચાવવામાં મદદ કરી રહ્યા હતા.

અધિકારીઓએ અહેવાલ આપ્‍યો છે કે બચાવકર્તાઓ સમગ્ર -દેશમાં ૨૭ ગુમ થયેલા લોકોની શોધ કરી રહ્યા છે. ગલ્‍ફ કિનારે સ્‍થિત વેરાક્રુઝ રાજ્‍યની ૫૫ નગરપાલિકાઓમાં ૧૬,૦૦૦ થી વધુ ઘરોને નુકસાન થયું હતું. અગાઉ, મધ્‍ય ક્‍વેરેટોરો રાજ્‍યમાં ભૂસ્‍ખલનમાં એક બાળકનું મોત થયું હતું. ભારે વરસાદને કારણે વીજળી ગુલ થઈ ગઈ છે જેના કારણે દેશભરમાં ૩૨૦,૦૦૦ થી વધુ લોકો પ્રભાવિત થયા છે, અધિકારીઓએ જણાવ્‍યું હતું. અધિકારીઓએ મુશળધાર વરસાદ માટે મેક્‍સિકોના પ?મિ કિનારે આવેલા ઉષ્‍ણકટિબંધીય વાવાઝોડા પ્રિસિલા અને રેમન્‍ડને જવાબદાર ઠેરવ્‍યા હતા.