તમે ખૂબ જ સુંદર છોઃ ટ્રમ્પે ઈટાલીના પીએમ મેલોનીના કર્યા વખાણ
મેલોનીને અતુલ્ય અને સફળ નેતા કહયાઃ ટ્રમ્પની પ્રશંસા પર પીએમ શરમાય ગયા ગાઝામાં શાંતિ માટે હાકલ કરતા ઠરાવ પર હસ્તાક્ષર કરનાર મેલોની એક માત્ર મહિલા હતા
નવી દિલ્હી, તા.૧૪: અમેરિકન રાષ્ટ્રપતિ ટ્રમ્પે એક કાર્યક્રમમાં ઇટાલીના વડા પ્રધાન મેલોનીની પ્રશંસા કરી હતી અને તેમને સુંદર ગણાવ્યા હતા. ટ્રમ્પે કહ્યું હતું કે અમેરિકામાં આવું કહેવાથી રાજકીય કારકિર્દીનો અંત આવી શકે છે. તેમણે મેલોનીને અવિશ્વસનીય અને સફળ રાજકારણી પણ ગણાવી હતી, જેનું ઇટાલીમાં સન્માન કરવામાં આવ્યું હતું. ગાઝામાં શાંતિ સ્થાપિત કરવાના ઠરાવ પર હસ્તાક્ષર કરનાર મેલોની એકમાત્ર મહિલા હતી.
આ જ કાર્યક્રમને સંબોધતા, અમેરિકન રાષ્ટ્રપતિ ડોનાલ્ડ ટ્રમ્પે ઇટાલીના વડા પ્રધાન જ્યોર્જિયા મેલોનીની પ્રશંસા કરી. તેમણે કહ્યું, આપણી પાસે એક મહિલા છે, એક યુવતી. જોકે, મને એવું કહેવાની મંજૂરી નથી કારણ કે જે ક્ષણે તમે આવું કહો છો, તે ક્ષણે તમારી રાજકીય કારકિર્દી લુપ્ત થવાની આરે છે.
તેમના સંબોધન દરમિયાન, અમેરિકન રાષ્ટ્રપતિએ એ પણ સ્વીકાર્યું કે સ્ટેજ પર ઉભા રહેલા ઇટાલીના વડા પ્રધાન મેલોની વિશેની તેમની ટિપ્પણીઓ લિંગ ભેદભાવના આરોપો તરફ દોરી શકે છે.
તેમના સંબોધન દરમિયાન, તેમણે કહ્યું, સ્ટેજ પર ઉભા રહેલા ઇટાલીના વડા પ્રધાન એક સુંદર યુવતી છે; જોકે, મને એવું કહેવાની મંજૂરી નથી કારણ કે આવું કહેવાથી સામાન્ય રીતે તમારી રાજકીય કારકિર્દીનો અંત આવે છે. ૪૮ વર્ષીય મહિલાને સંબોધતા ટ્રમ્પે કહ્યું, તમને (મેલોની) સુંદર કહેવામાં કોઈ વાંધો નથી, ખરું ને? કારણ કે તમે સુંદર છો.
પોતાના સંબોધન દરમિયાન, યુએસ પ્રમુખ ટ્રમ્પે કહ્યું, જો તમે અમેરિકામાં કોઈ મહિલા વિશે સુંદર શબ્દનો ઉપયોગ કરો છો, તો તે તમારી રાજકીય કારકિર્દીનો અંત છે, પરંતુ હું મારી પોતાની શકયતાઓ પર વિચાર કરીશ.
નોંધનીય છે કે, યુએસ પ્રમુખ ડોનાલ્ડ ટ્રમ્પે ઇમિગ્રેશન અને સાંસ્કળતિક મુદ્દાઓ પર તેમના વૈચારિક સાથી મેલોનીને અવિશ્વસનીય ગણાવી હતી. તેમણે આગળ કહ્યું, ઇટાલીના લોકો ખરેખર તેમનો આદર કરે છે. તે ખૂબ જ સફળ રાજકારણી છે.
શિખર સંમેલન માટે ટ્રમ્પની પાછળ સ્ટેજ પર એકઠા થયેલા આશરે ૩૦ નેતાઓમાં મેલોની એકમાત્ર મહિલા હતી, જ્યાં તેમણે ગાઝામાં શાંતિ સ્થાપિત કરવામાં મદદ કરવાની પ્રતિજ્ઞા લેતા ઘોષણાપત્ર પર હસ્તાક્ષર કર્યા હતા. (
(11:15 AM IST)
છેલ્લા 8 દિવસમાં સૌથી લોકપ્રિય 
