દિગ્ગજ અભિનેત્રી અને નૃત્યાંગના મધુમતિનું ૮૭ વર્ષની વયે નિધનઃ સુવર્ણ યુગનો અંત
હિન્દી ફિલ્મ જગતમાં આંખે, ટાવરહાઉસ, શિકારી, મુજે જીને દો, અમર અકબરએન્થોની, છોટી બહુ સહિતની યાદગાર ફિલ્મોમાં કર્યું હતું કામ અક્ષયકુમારે લખ્યું-મારા પ્રથમ અને સદાયના ગુરૂ, તમારી યાદ હમેંશા સાથે રહેશે
મુંબઈઃ તા.૧૮: હિન્દી સિનેમા જગતમાંથી એક દુઃખદ સમાચાર સામે આવ્યા છે. વીતેલા વર્ષોની જાણીતા અભિનેત્રી અને તેમના સમયના શ્રેષ્ઠ ડાન્સર્સમાંના એક, મધુમતીનું ૮૭ વર્ષની વયે નિધન થયું છે. ૧૫ ઓક્ટોબર, ૨૦૨૫ના રોજ મુંબઈમાં તેમણે અંતિમ શ્વાસ લીધા હતા, જેના પગલે સમગ્ર ફિલ્મ ઉદ્યોગમાં શોકની લહેર છવાઈ ગઈ છે.
મધુમતીના નિધનના સમાચારની પુષ્ટિ તેમના નજીકના સૂત્રો અને અભિનેતા વિંદુ દારા સિંહે સોશિયલ મીડિયા પર કરી હતી. બોલિવૂડના ખેલાડી અક્ષય કુમારે તેમને યાદ કરીને ભાવનાત્મક શ્રદ્ધાંજલિ આપી હતી.
અક્ષય કુમારે પોતાના ‘એક્સ' (પૂર્વે ટ્વિટર) એકાઉન્ટ પર એક જૂનો ફોટો શેર કરીને લખ્યું હતું. ‘‘મારા પ્રથમ અને સદા માટેના ગુરુ. ડાન્સ વિશે હું જે કંઈ પણ જાણું છું, તે મેં તમારા ચરણોમાં શીખ્યું છે, મધુમતીજી. હર અદા, હર એક્સપ્રેશનમાં તમારી યાદ હંમેશા મારી સાથે રહેશે. ઓમ શાંતિ.ઙ્ઘ અક્ષય કુમાર અને ચંકી પાંડે સહિત અનેક કલાકારોએ મધુમતીની ડાન્સ એકેડેમીમાં તાલીમ લીધી હતી.
મધુમતીનો કલા પ્રવાસ : મહારાષ્ટ્રના થાણેમાં જન્મેલા મધુમતીનું મૂળ નામ હુતોક્ષી રિપોર્ટર હતું. તેમણે ૧૯૫૭માં એક રિલીઝ ન થયેલી મરાઠી ફિલ્મ દ્વારા ડાન્સર તરીકે પોતાની કારકિર્દીની શરૂઆત કરી હતી.
નળત્યમાં નિપુણતા તેઓ ભરતનાટયમ, કથક, મણિપુરી અને કથકલી સહિતના શાસ્ત્રીીય નળત્ય પ્રકારોમાં પ્રશિક્ષિત હતા. તેમની ગ્રેસફુલ ડાન્સિંગ સ્ટાઇલને કારણે તેમની સરખામણી ઘણીવાર તેમના સમકાલીન દિગ્ગજ ડાન્સર હેલન સાથે થતી હતી.
યાદગાર ફિલ્મો તેમણે લગભગ ૨૫૦થી વધુ ફિલ્મોમાં કામ કર્યું હતું, જેમાં હિન્દી ઉપરાંત મરાઠી, ગુજરાતી, પંજાબી અને ભોજપુરી જેવી પ્રાદેશિક ફિલ્મોનો સમાવેશ થાય છે. તેમની મુખ્ય ફિલ્મોમાં ‘આંખેં', ‘ટાવર હાઉસ', ‘શિકારી', ‘મુઝે જીને દો', ‘અમર અકબર એન્થોની' અને ‘છોટી બહૂ' નો સમાવેશ થાય છે.
વ્યક્તિગત જીવન ૧૯ વર્ષની નાની વયે તેમણે જાણીતા ડાન્સર અને કોરિયોગ્રાફર મનોહર દીપક સાથે લગ્ન કર્યા હતા. મનોહર દીપક ચાર બાળકોના પિતા હતા અને તેમની પ્રથમ પત્નીનું અવસાન થયું હતું. મધુમતીએ આ બાળકોને પોતાના માન્યા હતા અને પોતે કોઈ સંતાન નહોતા કર્યા. પતિના નિધન બાદ તેઓ મુંબઈમાં પોતાની ડાન્સ એકેડેમી દ્વારા યુવા પ્રતિભાઓને તાલીમ આપવામાં સમય પસાર કરી રહ્યા હતા.
મધુમતીના અંતિમ સંસ્કાર ૧૫ ઓક્ટોબર, ૨૦૨૫ના રોજ સાંજે ૫ વાગ્યે મુંબઈના ઓશિવારા સ્મશાનગળહમાં કરવામાં આવ્યા હતા. તેમનું નિધન હિન્દી સિનેમાના એક સુવર્ણ યુગના અંતનું પ્રતીક છે. (૩.૫)
(11:57 AM IST)
છેલ્લા 8 દિવસમાં સૌથી લોકપ્રિય 
