અમેરિકી સેનાએ દક્ષિણ અમેરિકામાં ડ્રગ કાર્ટેલ વિરુદ્ધ પોતાનું અભિયાન વધુ આક્રમક બનાવ્યું છે. અમેરિકી રક્ષા મંત્રી પીટ હેગસેથે પુષ્ટિ કરી છે કે સેનાએ પૂર્વી પ્રશાંત મહાસાગરના આંતરરાષ્ટ્રીય જળસીમામાં ડ્રગ્સ લઈ જઈ રહેલી એક શંકાસ્પદ બોટ પર આઠમો હુમલો કર્યો છે. આ હુમલામાં બોટ પર સવાર બે લોકોના મોત થયા છે.

મહત્વપૂર્ણ છે કે અગાઉના સાત હુમલા કેરેબિયન સમુદ્રમાં કરવામાં આવ્યા હતા, પરંતુ આ પ્રથમ વખત છે જ્યારે અમેરિકી સેનાએ પ્રશાંત મહાસાગર ક્ષેત્રમાં આવી કાર્યવાહી કરી છે. 

આ સાથે, છેલ્લા મહિનામાં શરૂ થયેલા આ ઓપરેશનમાં કુલ મૃત્યુઆંક વધીને ઓછામાં ઓછો ૩૪ થઈ ગયો છે.

રક્ષા મંત્રી પીટ હેગસેથે સોશિયલ મીડિયા પ્લેટફોર્મ 'એક્સ' (અગાઉ ટ્વિટર) પર આ હુમલાનો એક વિડિયો પણ જારી કર્યો છે. વિડિયોમાં દેખાય છે કે એક નાની બોટ પેકેટો સાથે સમુદ્રમાં જઈ રહી છે, અને થોડી જ સેકન્ડોમાં એક જોરદાર વિસ્ફોટ થાય છે અને બોટ આગના ગોળામાં ફેરવાઈ જાય છે. 

ટ્રમ્પ પ્રશાસને આ હુમલાઓને ડ્રગ કાર્ટેલ સાથેના "સશસ્ત્ર સંઘર્ષ"નો ભાગ ગણાવ્યા છે અને તસ્કરોને "ગેરકાયદેસર લડવૈયા" ગણાવ્યા