સમસ્તીપુર: દિવાળીના ઉત્સવ અને છઠ પૂજાની તૈયારીઓના માહોલ વચ્ચે, પ્રધાનમંત્રી નરેન્દ્ર મોદીએ આજે સમસ્તીપુરથી ૨૦૨૫ની બિહાર વિધાનસભા ચૂંટણીનું બ્યુગલ વગાડ્યું. જંગી જનમેદનીને સંબોધતા PM મોદીએ દાવો કર્યો કે બિહારની જનતાએ ફરી એકવાર NDA સરકાર પસંદ કરવાનો સંકલ્પ કરી લીધો છે.
મિથિલાની ભૂમિ પર પહોંચીને PM મોદીએ ભોજપુરી-મૈથિલી શૈલીમાં સૌને નમન કર્યા. તેમણે કહ્યું કે લોકશાહીના આ ભવ્ય પર્વની જાહેરાત થઈ ગઈ છે, અને બિહારના લોકો સુશાસન, વિકાસ અને સ્થિરતા ઇચ્છે છે.
PM મોદીએ 'જંગલ રાજ'ના સમર્થકો પર પ્રહાર કરતાં કહ્યું, "લોકશાહીના આ ભવ્ય ઉત્સવમાં, લોકોએ નક્કી કર્યું છે: ફરી એકવાર, NDA સરકાર, ફરી એકવાર સુશાસનની સરકાર. જંગલ રાજના લોકો ગમે તેટલા પ્રયાસ કરે, બિહાર ક્યારેય પાછળ ફરીને જોશે નહીં."
PM એ છઠ પૂજાની તૈયારીઓ વચ્ચે એકઠી થયેલી વિશાળ ભીડ માટે આભાર વ્યક્ત કર્યો અને કહ્યું કે સમસ્તીપુરનું આ વાતાવરણ અને મિથિલાનો મૂડ એ સ્પષ્ટ સંકેત છે કે જ્યારે NDA સરકાર ફરી સત્તામાં આવશે ત્યારે બિહાર નવી ગતિએ આગળ વધશે.
પોતાના સંબોધનમાં PM મોદીએ જનનાયક ભારત રત્ન કર્પુરી ઠાકુરને પણ શ્રદ્ધાંજલિ અર્પણ કરી. તેમણે જણાવ્યું કે અહીં આવતા પહેલા તેમણે કર્પૂરી ગ્રામની મુલાકાત લીધી હતી. PM એ કહ્યું કે કર્પૂરી ઠાકુરના આશીર્વાદને કારણે જ નીતિશજી, રામનાથજી અને તેમના જેવા સામાન્ય પરિવારમાંથી આવતા લોકો દેશની સેવા કરી શક્યા છે. તેમણે કર્પૂરી ઠાકુરને ભારત રત્નથી સન્માનિત કરવાને સરકાર માટે ગૌરવની વાત ગણાવી.