મુંબઈ : બોલૂવુડની લોકપ્રિય સંગીત જોડી સચિન-જીગર લોકપ્રિય સંગીત દિગ્દર્શક સચિન સંઘવી જાતીય સતામણીના આરોપો બાદ વિવાદના કેન્દ્રમાં છે. આ દાવાઓએ મીડિયાનું ધ્યાન ખેંચ્યું છે, જેના કારણે સંઘવીની કાનૂની ટીમે પ્રતિક્રિયા આપી છે. એક પ્રેસ નિવેદનમાં, તેમ સચિન સંઘવીના વકીલ, આદિત્ય મીઠેએ આરોપોને સખત રીતે નકારી કાઢ્યા છે, અને ભારપૂર્વક જણાવ્યું છે કે આ આરોપો પાયાવિહોણા અને અપ્રમાણિત છે. અધિકારીઓ આ મામલાની તપાસ કરી રહ્યા છે તેમ આ કેસ આગળ વધી રહ્યો છે.

   તાજેતરમાં સચિન-જીગર બેલડીના સચિન સંઘવી પર મુંબઈમાં ૨૯ વર્ષની એક મહિલા દ્વારા જાતીય સતામણીનો આરોપ લગાવવામાં આવ્યો હતો. ફરિયાદીએ સંઘવી પર આરોપ લગાવ્યો હતો કે, સંગીતકારે ૨૯ વર્ષની મહિલાને સંગીત આલ્બમમાં કામ આપવાના બહાને અને લગ્ન કરવાનું વચન આપ્યું હતું, પરંતુ બાદમાં તેની સાથે જાતીય સંબંધ બાંધ્યા હતા અને ગર્ભપાત કરાવવાનું કહ્યું હતું.

 વિલે પાર્લે પોલીસે મહિલાની ફરિયાદના આધારે સચિન સંધવીની અટકાયત કરી હતી. જોકે, થોડા સમય પછી તેને જામીન મળી ગયા. આ મુદો બધે જ ચર્ચાઈ રહ્યો છે. ત્યારે સચિન સંઘવીના વકીલ, આદિત્ય મીઠેએ, આરોપોને પાયાવિહોણા ગણાવીને નકારી કાઢ્યા છે અને જણાવ્યું છે કે અટકાયત ગેરકાયદેસર હતી. આ મામલે કાનૂની કાર્યવાહી ચાલુ છે.