ન્યૂયોર્ક: અમેરિકામાં સરકારી કામકાજ ઠપ્પ (શટ ડાઉન) થવાને કારણે લાખો લોકોની હાલત કફોડી બની છે. સરકારી ખાદ્ય સહાય (ફૂડ સ્ટેમ્પ) બંધ થતાં લગભગ ચાર કરોડ અમેરિકનો અનાજ મેળવવા માટે સહાય કેન્દ્રો (ફૂડ બેન્ક) બહાર લાંબી કતારો લગાવવા મજબૂર બન્યા છે

અમેરિકામાં સરકારી કામકાજ ઠપ્પ (શટ ડાઉન) થવાને કારણે લાખો સામાન્ય નાગરિકોની હાલત દયનીય બની છે. આ પરિસ્થિતિનો સીધો ભોગ સરકારી સહાય પર નિર્ભર પરિવારો બન્યા છે, જેના પરિણામે દેશમાં 'સરકારી ભૂખમરો' જેવી ગંભીર સ્થિતિ સર્જાઈ છે.

સત્તાવાર અહેવાલો અનુસાર, લગભગ ચાર કરોડ અમેરિકનોને સરકારી ખાદ્ય સહાય (ફૂડ સ્ટેમ્પ) ન મળવાને કારણે તેઓ જીવનજરૂરી ખાદ્ય પદાર્થો મેળવવા માટે અનાજ સહાય કેન્દ્રો (ફૂડ બેન્કો) ની બહાર લાંબી કતારોમાં ઊભા રહેવા વિવશ બન્યા છે.

પૂરક પોષણ સહાય કાર્યક્રમ (સપ્લિમેન્ટલ ન્યૂટ્રિશિયન આસિસ્ટન્સ પ્રોગ્રામ - એસએનએપી) હેઠળ મળતી સહાય અટકી જવાથી આ ગંભીર કટોકટી ઊભી થઈ છે. સરકારી કર્મચારીઓનો પગાર અને સહાય પર નભતા નાગરિકોને નાણાં મળવાનું બંધ થતાં, આ કટોકટી વધુને વધુ ગંભીર બની રહી છે.