વડોદરા: ધંધા-રોજગારના શુભારંભના પર્વ લાભ પાંચમ ના પવિત્ર દિવસે વડોદરા સહિત ગુજરાતના મુખ્ય શહેરોમાં સોનાના ભાવમાં મોટો ઉછાળો નોંધાયો છે. સોનામાં રોકાણ અને ખરીદી માટે ઉત્તમ ગણાતા આ દિવસે કિંમતી ધાતુઓના દરોમાં વધારો થતા ગ્રાહકોને વધુ કિંમત ચૂકવવી પડશે.  22 કેરેટ સોનાનો ભાવ રૂ.1,15,150 પ્રતિ 10 ગ્રામ, 24 કેરેટ સોનાનો ભાવ રૂ.1,25,670 પ્રતિ 10 ગ્રામ સુધી પહોંચ્‍યો છે.
વડોદરા ઉપરાંત ગુજરાતના અન્ય મુખ્ય શહેરો જેવા કે સુરત, અમદાવાદ, રાજકોટ, જામનગર, ભાવનગર, જૂનાગઢ, સુરેન્દ્રનગર અને દાહોદ માં પણ સોનાના દરોમાં સમાન વધારો જોવા મળ્યો છે. આ તમામ શહેરોમાં આજે ૨૨ કેરેટ સોનાનો ભાવ રૂ.૧,૧૫,૧૫૦ અને ૨૪ કેરેટ સોનાનો ભાવ રૂ.૧,૨૫,૬૭૦ પ્રતિ ૧૦ ગ્રામ છે.
આંતરરાષ્ટ્રીય બજારમાં સોનાની વધતી માંગ અને સ્થાનિક તહેવારોની સિઝનને ધ્યાનમાં રાખીને, નિષ્ણાતો માની રહ્યા છે કે આગામી દિવસોમાં પણ સોનાના ભાવમાં ઉછાળો જોવા મળી શકે છે. શુભ પ્રસંગે ખરીદી કરતા પહેલા ગ્રાહકોને જ્વેલર્સ પાસે આજના લેટેસ્ટ દરની પુષ્ટિ કરવા ભલામણ કરવામાં આવે છે.