મોતનું બીજું નામ બન્યું પ્રદૂષણઃ માત્ર ભારતમાં જ ૧૭ લાખ લોકોએ ગુમાવ્યો જીવ
લેન્સેટ કાઉન્ટડાઉને હાલમાં જ પ્રદૂષણથી થતા મૃત્યુ પર એક રિપોર્ટ જાહેર કર્યોઃ ભારતમાં વાયુ પ્રદૂષણને કારણે થતા મૃત્યુ હવે ચિંતાજનક સ્તરે : વાયુ પ્રદૂષણનું જોખમ સતત વધી રહ્યું છે અને તેની આરોગ્ય પર ઊંડી અસર પડી રહી છે. વાયુ પ્રદૂષણ અને આબોહવા પરિવર્તનની અસર ભારતમાં ખૂબ જ ગંભીર છે
નવી દિલ્હી તા.૩૦: વાયુ પ્રદૂષણ હવે માત્ર પ્રદૂષણનો જ વિષય નથી રહ્યો, પરંતુ તે ધીમે-ધીમે લોકોના જીવનને ખતરામાં નાખનારું સૌથી મોટું આરોગ્ય સંકટ બની ગયું છે. ષ્ણ્બ્ના સહયોગથી તૈયાર કરાયેલા હાલમાં જ પ્રકાશિત લેન્સેટ કાઉન્ટડાઉનના રિપોર્ટ અનુસાર, ૨૦૨૨માં ભારતમાં PM ૨.૫ જેવા સૌથી નાના કણો પ્રદૂષકોના સંપર્કમાં આવવાથી ૧૭ લાખથી વધુ લોકોના મોત થયા છે. PM ૨.૫ એટલા નાના કણો હોય છે કે તે ફેફસાંમાં ઊંડે સુધી પ્રવેશી શકે છે અને ગંભીર બીમારીનું કારણ બની શકે છે. આવી સ્થિતિમાં ચાલો જાણીએ કે, WHOના આ રિપોર્ટમાં શું છે.
રિપોર્ટમાં એમ પણ કહેવામાં આવ્યું છે કે, આ સંખ્યા છેલ્લા ૧૨ વર્ષની તુલનામાં સૌથી વધારે છે. આનો અર્થ એ છે કે, વાયુ પ્રદૂષણનું જોખમ સતત વધી રહ્યું છે અને તેની આરોગ્ય પર ઊંડી અસર પડી રહી છે. લેન્સેટના રિપોર્ટ અનુસાર, ભારતમાં વાયુ પ્રદૂષણને કારણે થતા મૃત્યુ હવે ચિતાજનક સ્તરે છે. રિપોર્ટ અનુસાર, ૨૦૨૨માં ભારતમાં માનવસર્જિત વાયુ પ્રદૂષણને કારણે ૧૭,૧૮,૦૦૦થી વધુ મૃત્યુ થયા હતા, જે ૨૦૧૦ની સરખામણીમાં ૩૮ ટકાનો વધારો છે.
આમાં કોલસો અને પ્રવાહી ગેસનું યોગદાન લગભગ ૪૪ ટકા છે. જ્યારે એકલા કોલસાના ઉપયોગથી ૩૯૪,૦૦૦ મૃત્યુ થયા, જેમાંથી ૨૯૮,૦૦૦ મોત પાવર પ્લાન્ટમાં કોલસાના ઉપયોગને કારણે થયા. જ્યારે રોડ ટ્રાન્સપોર્ટમાં પેટ્રોલના ઉપયોગથી ૨૬૯,૦૦૦ મોત થયા.
રિપોર્ટમાં ચેતવણી આપવામાં આવી છે કે, વાયુ પ્રદૂષણ અને આબોહવા પરિવર્તનની અસર ભારતમાં ખૂબ જ ગંભીર છે. ભારતમાં પ્રતિ વ્યક્તિ સરેરાશ ૨૦ દિવસ સુધી લુનો સામનો કરવો પડશે અને જેમાંથી લગભગ એક તૃતીયાંશ સીધા આબોહવા પરિવર્તનને કારણે થશે. વધુમાં ગરમીને કારણે થતા મૃત્યુમાં ૨૩ ટકાનો વધારો થયો છે.
નિષ્ણાતો કહે છે કે, વાયુ પ્રદૂષણે ભારતને દુનિયાના સૌથી વધુ અસરગ્રસ્ત દેશોમાંથી એક બની ગયો છે. કોલકાતા સ્થિત પલ્મોનોલોજિસ્ટ અરૂપ હલદારે જણાવ્યું કે, ૨૦૨૨માં વાયુ પ્રદૂષણને કારણે થયેલા મૃત્યુ તે વર્ષે કોવિડ-૧૯ને કારણે થયેલા મૃત્યુ કરતા ત્રણ ગણા વધુ હતા. આ આંકડો સ્પષ્ટપણે વાયુ પ્રદૂષણના ખતરનાક સ્વરૂપ અને માનવ સ્વાસ્થ્ય પર તેની વ્યાપક આર્થિક અને સામાજિક અસર દર્શાવે છે. રિપોર્ટમાં આર્થિક નુકસાનનો પણ અંદાજ લગાવવામાં આવ્યો છે. ૨૦૨૨માં વાયુ પ્રદૂષણને કારણે અકાળ મૃત્યુનું મૂલ્ય આશરે ૩૩૯.૪ બિલિયન ડોલર હતું, જે ભારતના ઞ્ઝભ્ના ૯.૫ ટકા જેટલું છે.
(10:15 AM IST)
છેલ્લા 8 દિવસમાં સૌથી લોકપ્રિય 
