ન્યૂયોર્ક: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે આફ્રિકાના સૌથી વધુ વસ્તી ધરાવતા દેશ નાઇજીરીયાને લઈને એક જોખમી ધમકી આપી છે. શનિવારે (૧ નવેમ્બર) ટ્રમ્પે તેમના સોશિયલ મીડિયા પ્લેટફોર્મ 'ટ્રુથ' પર એક પોસ્ટમાં જણાવ્યું કે જો નાઇજીરીયામાં આતંકવાદીઓ દ્વારા ખ્રિસ્તીઓની હત્યા બંધ નહીં થાય, તો અમેરિકા ત્યાં બંદૂકો સાથે પોતાની સેના મોકલી શકે છે.
નોબેલ શાંતિ પુરસ્કાર માટેના તેમના નિષ્ફળ પ્રચાર બાદ તરત જ, ટ્રમ્પે પેન્ટાગોન (યુએસ ડિપાર્ટમેન્ટ ઓફ ડિફેન્સ) ને નાઇજીરીયા પર સંભવિત સૈન્ય હુમલાની યોજના તૈયાર કરવા આદેશ આપ્યો હોવાનું જણાવ્યું.
 ટ્રમ્પે શું કહ્યું કે જો નાઇજીરીયાની સરકાર ખ્રિસ્તીઓની હત્યાને મંજૂરી આપવાનું ચાલુ રાખશે, તો યુનાઇટેડ સ્ટેટ્સ તાત્કાલિક નાઇજીરીયાને આપવામાં આવતી બધી સહાય બંધ કરશે. આ ભયાનક અત્યાચારો કરનારા ઇસ્લામિક આતંકવાદીઓને સંપૂર્ણપણે ખતમ કરવા માટે સેના મોકલવામાં આવશે."
ટ્રમ્પે નાઇજીરીયાની સરકારને ચેતવણી આપતા વધુમાં લખ્યું કે, "હું મારા યુદ્ધ વિભાગને શક્ય કાર્યવાહી માટે તૈયાર રહેવા સૂચના આપી રહ્યો છું. જો અમે હુમલો કરીશું, તો તે ભયાનક હશે."
નાઇજીરીયાના રાષ્ટ્રપતિ બોલા અહેમદ ટીનુબુએ ટ્રમ્પના દાવાને તરત જ નકારી કાઢ્યા. તેમણે 'X' પર પોસ્ટ કર્યું, "નાઇજીરીયાને ધાર્મિક રીતે અસહિષ્ણુ ગણાવવું એ અમારી રાષ્ટ્રીય વાસ્તવિકતાને પ્રતિબિંબિત કરતું નથી."
નાઇજીરીયા મુસ્લિમ બહુમતી ધરાવતા ઉત્તર અને ખ્રિસ્તી બહુમતી ધરાવતા દક્ષિણ વચ્ચે વહેંચાયેલું છે.
 ઉત્તરપૂર્વીય સંઘર્ષ: સંયુક્ત રાષ્ટ્રના મતે, ઉત્તરપૂર્વીય પ્રદેશ બોકો હરામ જેહાદી બળવાના કેન્દ્રમાં છે, જેમાં ૨૦૦૯ થી ૪૦,૦૦૦થી વધુ લોકો માર્યા ગયા છે.
 મધ્ય નાઇજીરીયા: અહીં બહુમતી-મુસ્લિમ પશુપાલકો અને બહુમતી-ખ્રિસ્તી ખેડૂતો વચ્ચે અથડામણો થઈ છે, જેને ધાર્મિક સંઘર્ષ તરીકે દર્શાવવામાં આવે છે, પરંતુ વાસ્તવમાં તે જમીન માટેનો સંઘર્ષ હોય છે.
ટ્રમ્પ ભલે હુમલાની ધમકી આપી રહ્યા હોય, પરંતુ અહેવાલો સૂચવે છે કે નાઇજીરીયાના આ સંઘર્ષોમાં ખ્રિસ્તીઓ અને મુસ્લિમો બંને કોઈ ભેદભાવ વિના માર્યા જઈ રહ્યા છે.