મુંબઇઃ મહારાષ્ટ્રની ચોંકાવનારી ઘટનામાં એક મહિલાએ પોતાની 10 વર્ષની પુત્રીને પૈસા માટે એક વૃદ્ધ NRI પાસે મોકલી હતી. નવી મુંબઈ પોલીસના એન્ટિ-હ્યુમન ટ્રાફિકિંગ યુનિટ ને આ ઘટનાની જાણ થઈ અને તેમણે કાર્યવાહી કરી છે. યુનિટે 10 વર્ષની બાળકીને સેક્સ રેકેટના ચુંગાલમાંથી બચાવી લીધી છે. પોલીસે આ કેસના સંદર્ભમાં છોકરીની 30 વર્ષની માતા અને 70 વર્ષીય NRIની ધરપકડ કરી છે.

એજન્સીના જણાવ્યા અનુસાર આ કાર્યવાહી 30 ઓક્ટોબરના રોજ AHTUના સિનિયર ઇન્સ્પેક્ટર પૃથ્વીરાજ ઘોરપડેને મળેલી માહિતીના આધારે કરવામાં આવી હતી. પોલીસનું કહેવું છે કે તેમને માહિતી મળી હતી કે ખારઘરના કોપરગાંવ વિસ્તારમાં રહેતી એક મહિલા તેની 10-12 વર્ષની પુત્રીને તલોજા ફેઝ 2 માં એક પુરુષ પાસે મોકલી રહી છે.

આ માહિતીના આધારે કાર્યવાહી કરતા એન્ટિ-હ્યુમન ટ્રાફિકિંગ યુનિટે તલોજામાં દરોડો પાડ્યો અને સગીર છોકરીને બચાવી લીધી હતી અને આ વિસ્તારના રહેવાસી 70 વર્ષીય ફારુક અલ્લાઉદ્દીન શેખની ધરપકડ કરવામાં આવી હતી. શેખ મૂળ લંડનનો રહેવાસી છે. તે જાણતો હતો કે છોકરી સગીર છે, છતાં તેણે તેનું જાતીય શોષણ જ નહીં, પણ તેને દારૂ પીવા માટે પણ મજબૂર કરી હતી.

તપાસમાં એ પણ બહાર આવ્યું છે કે પીડિતાની માતા આ ગુનામાં સામેલ હતી. તેણીએ પોતાની પુત્રીને શેખ પાસે વેશ્યાવૃત્તિ માટે મોકલી હતી અને તેની પાસેથી માસિક  રૂ.2.5 લાખનું પેમેન્ટ મેળવ્યું હતું. પોલીસે આ જઘન્ય કૃત્ય બદલ છોકરીની માતાની પણ ધરપકડ કરી છે. બંને આરોપીઓ સામે ભારતીય દંડ સંહિતા (IPC), જાતીય ગુનાઓથી બાળકોનું રક્ષણ (POCSO) અધિનિયમ અને અનૈતિક ટ્રાફિક (નિવારણ) અધિનિયમ હેઠળ કેસ નોંધવામાં આવ્યો છે. ત

લોજા પોલીસે જણાવ્યું હતું કે બંને આરોપીઓને 4 નવેમ્બર સુધી પોલીસ કસ્ટડીમાં મોકલવામાં આવ્યા છે. આ રેકેટમાં સંડોવાયેલા અન્ય સંભવિત વ્યક્તિઓને ઓળખવા માટે પોલીસ કેસની સંપૂર્ણ તપાસ કરી રહી છે.