નવી દિલ્હી: કેન્દ્રીય ગૃહમંત્રી અમિતભાઈ શાહે દેશભરમાં ચાલી રહેલી ચૂંટણી દરમિયાન એક મોટો રાજકીય દાવો કર્યો છે. તેમણે જણાવ્યું કે રાષ્ટ્રીય લોકતાંત્રિક ગઠબંધન (એનડીએ) આ ચૂંટણીમાં ૧૬૦ બેઠકો જીતીને સ્પષ્ટ બહુમતી મેળવશે. પોતાના સંબોધનમાં અમિતભાઈએ વિપક્ષ પર આકરા પ્રહાર કરતા કહ્યું કે વિપક્ષ ગેરકાયદેસર ઘૂસણખોરોને પોતાની વોટ બેંક માને છે અને આ જ કારણ છે કે તેઓ રાષ્ટ્રીય સુરક્ષાના મુદ્દે મૌન રહે છે.

શ્રી શાહે ભારપૂર્વક જણાવ્યું હતું કે એનડીએ સરકારની પ્રાથમિકતા રાષ્ટ્રીય સુરક્ષા અને દેશના વિકાસને જાળવી રાખવાની છે, જ્યારે વિપક્ષ માત્ર સત્તા હાંસલ કરવા માટે તુષ્ટિકરણની નીતિ અપનાવી રહ્યો છે. તેમના આ નિવેદનથી રાજકીય માહોલમાં ગરમાવો આવ્યો છે અને વિપક્ષે આ દાવો પાયાવિહોણો હોવાનું કહીને ફગાવી દીધો છે.