બેંગલુરુ: કર્ણાટકના મુખ્યમંત્રી સિદ્ધારમૈયાએ કેન્દ્રની મોદી સરકાર પર બળજબરીથી હિન્દી ભાષા લાદવાનો ગંભીર આરોપ લગાવ્યો છે. તેમણે કહ્યું કે કેન્દ્ર સરકાર દ્વારા કન્નડ ભાષાની ઉપેક્ષા કરવામાં આવી રહી છે, જે રાજ્યના સાંસ્કૃતિક અને ભાષાકીય અસ્તિત્વ માટે ખતરો છે.

મુખ્યમંત્રી સિદ્ધારમૈયાએ વધુમાં કહ્યું કે રાજ્યમાં શિક્ષણ અને વહીવટી પ્રવૃત્તિઓમાં હિન્દી અને અંગ્રેજીના વધુ પડતા ઉપયોગને કારણે તેમના બાળકોની જન્મજાત પ્રતિભા ઘટી રહી છે. તેમણે ચેતવણી આપી હતી કે આ પ્રકારનું વલણ પ્રાદેશિક ભાષાઓ અને સંસ્કૃતિને નુકસાન પહોંચાડશે અને કેન્દ્ર સરકારે ભાષાકીય વિવિધતાનું સન્માન કરવું જોઈએ.