છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ચક્ષુદાન પ્રવૃતિને સંતોના આશિષ 10:33 AM
એક જ વર્ષમાં ડોનલ્ડ ટ્રમ્પની લોકપ્રિયતા ૧૮ ટકા ઘટી : સૌથી નીચલા સ્તરે આવી
સર્વેમાં ૫૭ ટકા લોકોએ તેમના કામને નાપસંદ કર્યું છે અને માત્ર ૩૯ ટકા લોકોએ તેમને પસંદ કર્યા છે
વોશીંગ્ટન તા.૪: અમેરિકાના પ્રેસિડન્ટપદે ચૂંટાઈ આવ્યા એને એક વર્ષ પૂરું થાય એ પહેલાં જ પ્રેસિડન્ટ ડોનલ્ડ ટ્રમ્પની લોકપ્રિયતા ઘટી ગઈ છે. YouGov/Economist સર્વે અનુસાર ટ્રમ્પનું અપ્રૂવલ રેટિગ સૌથી નીચા સ્તરે છે. સર્વેમાં ૫૭ ટકા લોકોએ તેમના કામને નાપસંદ કર્યું છે અને માત્ર ૩૯ ટકા લોકોએ તેમને પસંદ કર્યા છે. આમ તેમનું નેટ અપ્રૂવલ માઇનસ ૧૮ પોઇન્ટ્સ રહ્યું છે. તેમણે શપથગ્રહણ કર્યા ત્યાર બાદનું આ સૌથી ઓછું રેટિગ છે. ભૂતપૂર્વ પ્રેસિડન્ટો બરાક ઓબામા અને જો બાઇડન બન્નેના પહેલા વર્ષ કરતાં આ રેટિગ નોંધપાત્ર રીતે ઓછું છે. પહેલા વર્ષના અંતે ઓબામાનું રેટિગ ૩ ટકા અને જો બાઇડનનું રેટિગ ૭ ટકા ઘટ્યું હતું.
ડોનલ્ડ ટ્રમ્પ ગયા વર્ષે પાંચમી નવેમ્બરે અમેરિકાના પ્રેસિડન્ટપદે ચૂંટાઈ આવ્યા હતા. આવતી કાલે તેમને એક વર્ષ પૂરું થશે. જોકે ઓછા અપ્રૂવલ રેટિગ સિવાય આજે ન્યુ યોર્ક સિટી એના નવા મેયરની પસંદગી કરશે અને વર્જિનિયા અને ન્યુ જર્સીમાં પણ ગવર્નર અને વિધાનસભાની ચૂંટણીઓ યોજાશે. અમેરિકામાં બધાની નજર આ ચૂંટણી પર છે. આ ચૂંટણી નક્કી કરશે કે ટ્રમ્પનો બીજો કાર્યકાળ જાહેર અપેક્ષાઓ પર ખરો ઊતરે છે કે નહીં. રિપબ્લિકન એને નીતિગત મજબૂતાઈના પુરાવા તરીકે માની રહ્યા છે, જ્યારે ડેમોક્રેટ્સ એને મિની રેફરન્ડમ કહી રહ્યા છે.
(10:24 AM IST)
