અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ન્યુયોર્ક શહેરના ડેમોક્રેટિક નેતૃત્વ વિરુદ્ધ પોતાનું કડક વલણ યથાવત રાખ્યું છે. તેમણે ફરી એકવાર જાહેરમાં ધમકી આપી છે કે જો ન્યુયોર્ક શહેર તેની 'સેન્ક્ચ્યુરી સિટી' (શરણાર્થીઓને રક્ષણ આપતું શહેર) નીતિઓ ચાલુ રાખશે, તો તેઓ સત્તા પર પાછા ફર્યા બાદ શહેરને મળતી અબજો ડોલરની સંઘીય સહાય (ફેડરલ ફંડિંગ) સંપૂર્ણપણે રોકી દેશે. આડકતરો અર્થ એવો થાય કે મામદાની મેયરપદે ચૂંટાઈ આવે તો તેઓ સહાય રોકી દેશે..

ન્યુયોર્ક સિટીની મેયરની ચૂંટણીના સંદર્ભમાં બોલતા, ટ્રમ્પે શહેરના વર્તમાન ડેમોક્રેટિક વહીવટની આકરી ટીકા કરી હતી. તેમણે આક્ષેપ કર્યો કે આ નીતિઓને કારણે ગેરકાયદેસર ઇમિગ્રેશનને પ્રોત્સાહન મળે છે અને શહેરમાં ગુનાખોરી વધી રહી છે. 

ટ્રમ્પે સ્પષ્ટ કહ્યું કે જે શહેરો સંઘીય ઇમિગ્રેશન અધિકારીઓને સહયોગ કરવાનો ઇનકાર કરશે, તેમને કેન્દ્ર સરકાર તરફથી મળતા નાણાકીય ભંડોળથી વંચિત રહેવું પડશે. આ ધમકીને ન્યુયોર્કના સ્થાનિક રાજકારણમાં ગંભીરતાથી લેવામાં આવી રહી છે.