પટના: બિહાર વિધાનસભા ચૂંટણી માટે પ્રચાર હવે ચરમસીમાએ છે. સત્તારૂઢ NDA અને વિપક્ષી મહાગઠબંધન પોતપોતાની જીતના દાવા કરી રહ્યા છે, ત્યારે એક નવા ઓપિનિયન પોલે બિહારના રાજકીય ચિત્રને સ્પષ્ટ કરવાનો પ્રયાસ કર્યો છે.

IANS અને મેટ્રિસ દ્વારા હાથ ધરવામાં આવેલા આ સર્વેમાં મુખ્યમંત્રી નીતિશ કુમારના નેતૃત્વ હેઠળની NDA સરકારની ફરી રચના થવાની આગાહી કરવામાં આવી છે!

NDAનો દબદબો: 153 થી 164 બેઠકોનો અંદાજ
ઓપિનિયન પોલના આંકડા મુજબ, NDA સ્પષ્ટ બહુમતી સાથે સત્તામાં પાછી ફરશે, જ્યારે વિપક્ષી મહાગઠબંધન પાછળ રહેશે.

ગઠબંધન    બેઠકોની આગાહી (243 માંથી)

NDA (રાષ્ટ્રીય લોકતાંત્રિક ગઠબંધન)    153 થી 164 બેઠકો

મહાગઠબંધન    76 થી 87 બેઠકો
 
પ્રશાંત કિશોર (PK)ના 'જન સૂરજ' માટે નિરાશા
ચૂંટણી વ્યૂહરચનાકારમાંથી રાજકારણી બનેલા પ્રશાંત કિશોર (PK)ની પાર્ટી જન સુરાજ આ ચૂંટણીમાં એક મહત્વપૂર્ણ પરિબળ બની શકે છે તેવી ચર્ચા હતી. જોકે, સર્વેના આંકડા તેમના દાવાઓ કરતાં ઘણી ઓછા બેઠકોની આગાહી કરે છે.

પાર્ટી    બેઠકોની આગાહી    વોટ હિસ્સો

જન સુરાજ (PK)    માત્ર 1 થી 3 બેઠકો    4%

નોંધનીય છે કે પ્રશાંત કિશોરની પાર્ટી બિહારની 243 બેઠકોમાંથી 238 બેઠકો પર ચૂંટણી લડી રહી છે, પરંતુ વ્યસ્ત પ્રચારને કારણે PK પોતે કોઈ બેઠક પર ચૂંટણી લડી રહ્યા નથી.

ઓવૈસીના AIMIM માટે કેવો અંદાજ?
મહાગઠબંધનમાં જોડાવામાં નિષ્ફળ રહેલા અસદુદ્દીન ઓવૈસીની AIMIM ને માત્ર 1% મત હિસ્સાની જીતનો અંદાજ છે, જે 1 થી 2 બેઠકો માં ફેરવાઈ શકે છે.
 
પાર્ટી મુજબ બેઠકોનું વિભાજન

NDA ઘટક પક્ષો    બેઠકોની આગાહી    મહાગઠબંધન ઘટક પક્ષો    બેઠકોની આગાહી

ભારતીય જનતા પાર્ટી (BJP)    83 - 87    રાષ્ટ્રીય જનતા દળ (RJD)    62 - 66

જનતા દળ યુનાઇટેડ (JDU)    61 - 65    કોંગ્રેસ    7 - 9

હિન્દુસ્તાન અવમ મોરચા (HAM)    4 - 5    CPI (ML)    6 - 8

લોક જનશક્તિ પાર્ટી (LJP)    4 - 5    વિકાસશીલ ઇન્સાન પાર્ટી (VIP)    1 - 2

રાષ્ટ્રીય લોક મોરચા (RLM)    1 - 2    CPI    0 - 1

અન્ય    0 - 4 બેઠકો (8% વોટ)    CPI (M)    0 - 1