નવી દિલ્‍હી, તા.૫: અમેરીકામાં લુઇસવિલે મુહમ્‍મદ અલી આંતરરાષ્‍ટ્રીય એરપોર્ટ પરથી ટેકઓફ કર્યા પછી તરત જ એક UPS કાર્ગો વિમાન ક્રેશ થયું. UPS એક પાર્સલ કંપની છે. વિમાન હવાઈ જઈ રહ્યું હતું. ફેડરલ એવિએશન એડમિનિસ્‍ટ્રેશન અનુસાર, UPS MD-૧૧ વિમાન ટેકઓફ કર્યા પછી તરત જ ક્રેશ થયું. FAA એ જણાવ્‍યું હતું કે નેશનલ ટ્રાન્‍સપોર્ટેશન સેફ્‌ટી બોર્ડ અકસ્‍માતની તપાસ કરી રહ્યું છે.

વિમાન જમીન પર અથડાતા જ ભારે આગ ફાટી નીકળી હતી. અકસ્‍માત બાદ, અધિકારીઓએ એરસ્‍પેસ બંધ કરી દીધી અને રહેવાસીઓને સ્‍થળાંતર કરવાનો આદેશ આપ્‍યો. UPS દ્વારા જારી કરાયેલા નિવેદનમાં જણાવાયું છે કે ત્રણ ક્રૂ સભ્‍યો બોર્ડમાં હતા. લુઇસવિલે મેટ્રો પોલીસ અને અન્‍ય ઘણી એજન્‍સીઓએ ઘટનાસ્‍થળે પહોંચીને પ્રતિક્રિયા આપી. સોશિયલ મીડિયા પરના વીડિયોમાં એરપોર્ટ નજીક કાળા ધુમાડાના મોટા ગોટા ઉછળતા જોવા મળ્‍યા.

કેન્‍ટુકીના ગવર્નર એન્‍ડી બેશિયરે જણાવ્‍યું હતું કે વિમાન દુર્ઘટનામાં ઓછામાં ઓછા ત્રણ લોકો માર્યા ગયા હતા અને ૧૧ ઘાયલ થયા હતા. અમે બધા કેન્‍ટુકી રહેવાસીઓને અસરગ્રસ્‍તો માટે પ્રાર્થના કરવા વિનંતી કરીએ છીએ. બેશિયરે જણાવ્‍યું હતું કે અકસ્‍માત બાદ પોલીસ અને ફાયર એજન્‍સીઓ દ્વારા આપવામાં આવેલી પ્રતિક્રિયા પ્રશંસનીય હતી. વિવિધ જ્‍વલનશીલ અને સંભવિત વિસ્‍ફોટક પદાર્થોની હાજરીને કારણે પરિસ્‍થિતિ હજુ પણ ખતરનાક છે, તેમણે કહ્યું.

લુઇસવિલે મુહમ્‍મદ અલી આંતરરાષ્‍ટ્રીય વિમાનમથક યુપીએસ માટે વિશ્વનું સૌથી મોટું કેન્‍દ્ર છે. કંપનીનું વર્લ્‍ડપોર્ટ, જે પાંચ મિલિયન ચોરસ ફૂટમાં ફેલાયેલું છે, અહીં સ્‍થિત છે. આ વિશાળ સુવિધામાં દરરોજ ૧૨,૦૦૦ થી વધુ કર્મચારીઓ આશરે બે મિલિયન પાર્સલનું પ્રોસેસિંગ કરે છે. આ જ કારણે આ અકસ્‍માત યુપીએસ માટે મોટી ચિંતાનો વિષય બની ગયો છે.

માહિતી અનુસાર, ક્રેશ થયેલ વિમાન MD-11F મોડેલનું હતું, જે મૂળ મેકડોનેલ ડગ્‍લાસ દ્વારા બનાવવામાં આવ્‍યું હતું અને બાદમાં બોઇંગ દ્વારા કબજો લેવામાં આવ્‍યો હતો. આ વિમાન મુખ્‍યત્‍વે કાર્ગો માટે વપરાય છે અને UPS, FedEx અને Lufthansa કાર્ગો જેવી કંપનીઓ દ્વારા ઉડાડવામાં આવે છે. ક્રેશ થયેલ વિમાન ૧૯૯૧ માં બનાવવામાં આવ્‍યું હતું.