વર્જિનિયા ગવર્નરની ચૂંટણીમાં ડેમોક્રેટિક ઉમેદવાર એબિગેલ સ્પેનબર્ગરે ઐતિહાસિક જીત નોંધાવી છે. તેઓ વર્જિનિયાના પ્રથમ મહિલા ગવર્નર બન્યા છે. તેમણે રિપબ્લિકન ઉમેદવાર વિન્સમ ઇઝરાયલ-સિયર્સને મોટા અંતરથી હરાવ્યા હતા. સ્પેનબર્ગર ભૂતપૂર્વ સીઆઇએ અધિકારી રહી ચૂક્યા છે.

અમેરિકી રાજ્ય વર્જિનિયાના ગવર્રનરની ચૂંટણીમાં ડેમોક્રેટિક ઉમેદવાર એબિગેલ સ્પેનબર્ગરે ઐતિહાસિક જીત મેળવી છે. આ જીત સાથે તેઓ વર્જિનિયા રાજ્યના પ્રથમ મહિલા ગવર્નર બન્યા છે. તેમણે રિપબ્લિકન લેફ્ટનન્ટ ગવર્નર વિન્સમ ઇઝરાયલ-સિયર્સને કારમી હાર આપી છે.

અમેરિકી સમાચાર સંસ્થાઓ એપી અને એનબીસીએ સ્પેનબર્ગરને વિજેતા જાહેર કર્યા છે. શરૂઆતી મત ગણતરીમાં (લગભગ ૫૦ ટકા મતો) સ્પેનબર્ગર ૫૫ ટકા મતો સાથે આગળ હતા, જ્યારે ઇઝરાયલ-સિયર્સને માત્ર ૪૪ ટકા મત મળ્યા હતા. કુલ મતોનું અનુમાન ૩૫ લાખનું હતું. સ્પેનબર્ગરે તેમની જીત માટે અર્થતંત્ર અને ટ્રમ્પની ખોટી નીતિઓ પર ધ્યાન કેન્દ્રિત કર્યું હતું. ટ્રમ્પે ઇઝરાયલ-સિયર્સને સમર્થન આપ્યું હોવા છતાં, સ્પેનબર્ગરે આ ચૂંટણીને 'ટ્રમ્પના લોકપ્રિયતાવાદ પર જનમત સંગ્રહ' ગણાવી હતી.