નવી દિલ્હી : ભારતીય જનતા પાર્ટી (BJP) ના આગામી રાષ્ટ્રીય અધ્યક્ષ કોણ હશે તેની લાંબા સમયથી ચાલી રહેલી અટકળો વચ્ચે કેન્દ્રીય ગૃહમંત્રી અમિતભાઈ શાહે મોટો સંકેત આપ્યો છે. તેમણે સ્પષ્ટ કર્યું છે કે પાર્ટીના નવા પ્રમુખની પસંદગી બિહાર વિધાનસભાની ચૂંટણીઓ પૂર્ણ થયા પછી જ કરવામાં આવશે.

અમિતભાઈ શાહનો જવાબ: એક મુલાકાતમાં જ્યારે અમિતભાઈ શાહને ભાજપ પ્રમુખની પસંદગી વિશે પૂછવામાં આવ્યું, ત્યારે તેમણે જવાબ આપ્યો, "તે ચૂંટણીઓ (બિહાર ચૂંટણીઓ) પછી જ થશે. અમે ચૂંટણીઓ પછી કરવાનો પ્રયાસ કરીશું." તેમણે ઉમેર્યું કે આ નિર્ણય એકલા તેમના દ્વારા નહીં, પરંતુ પાર્ટી દ્વારા લેવામાં આવશે.

વર્તમાન સ્થિતિ: હાલમાં જેપી નડ્ડા ભાજપનું નેતૃત્વ કરી રહ્યા છે, અને તેમનો કાર્યકાળ પહેલેથી જ લંબાવવામાં આવ્યો છે.

સંભવિત દાવેદારો: સૂત્રોના જણાવ્યા અનુસાર, શિવરાજ સિંહ ચૌહાણ, મનોહર લાલ ખટ્ટર, ભૂપેન્દ્ર યાદવ અને ધર્મેન્દ્ર પ્રધાન સહિતના કેન્દ્રીય મંત્રીઓના નામ અધ્યક્ષ પદની રેસમાં ચાલી રહ્યા છે. જોકે, ભાજપ આશ્ચર્યજનક નિર્ણયો લેવા માટે જાણીતું હોવાથી, આ યાદીમાં નવા નામ ઉમેરાઈ શકે છે.

બિહારની ચૂંટણીઓ પછી પાર્ટી હાઈકમાન્ડ શું નિર્ણય લે છે તેના પર સૌની નજર ટકેલી છે.