તિરુવન્નામલાઈ,તા.૦૬: તામિલનાડુના તિરુવન્નામલાઈ જિલ્‍લામાં એક પ્રાચીન શિવમંદિરના મુખ્‍ય ગર્ભગૃહમાં નવીનીકરણનું કામ ચાલી રહ્યું હતું ત્‍યારે ખોદકામ વખતે કામદારોને માટીનો ઘડો મળી આવ્‍યો હતો જેમાંથી ૧૦૩ જૂના સોનાના સિક્કા મળી આવ્‍યા હતા. આ ઘટનાની જાણ પોલીસ અને પ્રશાસનને કરવામાં આવી છે. મંદિર સેંકડો વર્ષ જૂનું છે અને એવું માનવામાં આવે છે કે ચોલ સમ્રાટ રાજા ચોલન ત્રીજાના શાસનકાળ દરમ્‍યાન બનાવવામાં આવ્‍યું હતું.