મુંબઇ તા.૬: મનોરંજન ઉદ્યોગમાં ભારતની પૌરાણિક કથાઓ અને ઇતિહાસ પર ફિલ્‍મો અને વેબ સિરીઝ બનાવવાનો ટ્રેન્‍ડ જોવા મળી રહ્યો છે. આ ટ્રેન્‍ડનો ફાયદો ઉઠાવવા હવે ‘મહાભારત' પણ આર્ટિફિશિયલ ઇન્‍ટેલિજન્‍સ (AI) નો ઉપયોગ કરીને પણ બનાવવામાં આવી છે. જોકે આ સિરીઝને હવે જોરદાર ટ્રોલ કરવામાં આવી રહી છે. કારણ કે આ એઆઇ વડે બનાવવામાં આવેલી મહાભારતમાં આજના સમયની કેટલીક વસ્‍તુઓ દ્રશ્‍યોમાં જોવા મળી રહી છે. AI‘મહાભારત' ના અત્‍યાર સુધીમાં બે એપિસોડ રિલીઝ થયા છે, જેના કારણે દર્શકોમાં ભારે ચર્ચા જાગી છે. મહાભારત - એક ધર્મ યુદ્ધ એ કોઈપણ કલાકારો, સેટ અથવા કેમેરા જેવા બીજા પ્રોપ્‍સ વિના માત્ર AIનો ઉપયોગ કરીને બનાવવામાં આવી છે. નોંધપાત્ર વાત એ છે કે તે તમામ ઉંમરના દર્શકો માટે સુલભ છે. આ શોને AIની ભૂલ માટે ટ્રોલ કરવામાં આવી રહ્યો છે, કારણ કે Jio Hotstar ‘મહાભારત' ના કેટલાક દ્રશ્‍યોમાં આધુનિક સ્‍પર્શ દર્શાવવામાં આવ્‍યા છે, જેણે લોકોને આﾍર્યચકિત કર્યા. તાજેતરમાં, દર્શકોએ શોમાં એક મોટી ભૂલ જોઈ જેમાં પ્રાચીન હસ્‍તિનાપુરમાં આધુનિક ફર્નિચર અને બેડરૂમ બતાવવામાં આવ્‍યું છે.

AI મહાભારત જિયો Hotstar પર સ્‍ટ્રીમ થઈ રહી છે, જેનું નિર્માણ કલેક્‍ટિવ મીડિયા નેટવર્ક દ્વારા કરવામાં આવ્‍યું છે. પહેલો એપિસોડ ૨૫ ઑક્‍ટોબરે રિલીઝ થયો હતો. બીજો એપિસોડ ૧ નવેમ્‍બરે પ્રસારિત થયો. એક દ્રશ્‍યમાં, દેવી ગંગાને એક નાના બાળક સાથે એક લક્‍ઝરી મહેલના રૂમમાં બતાવવામાં આવી હતી. જોકે, દર્શકોએ તરત જ આ દ્રશ્‍યમાં નિર્માતાઓની ભૂલ જોઈ. એક ભવ્‍ય મહેલના ઓરડામાં આજના સમયની ડિઝાઇન સાથે બેડસાઇડ ટેબલે રાખેલું હતું. દ્રશ્‍યમાં જોવા મળેલું આ ટેબલ સંપૂર્ણપણે ૨૦મી સદીનું હોય તેવું લાગતું હતું.

AI‘મહાભારતનો આ સીન સોશિયલ મીડિયા પર વાયરલ થઈ રહ્યો છે, લોકો સ્‍ક્રીનશોટ લઈ રહ્યા છે અને તેની મજાક ઉડાવવા માટે તેને શેર પણ કરી રહ્યા છે. એક દર્શકે ટ્‍વિટર પર સ્‍ક્રીનશોટ શેર કરીને લખ્‍યું,Jio Hotstar પર AIમહાભારત જોઈ રહ્યો છું... હું બેડસાઇડ ડેસ્‍ક જોઈને હસી રહ્યો છું.ૅ બીજા સોશિયલ મીડિયા યુઝરે મજાકમાં ટિપ્‍પણી કરી, એક જ વસ્‍તુ ખૂટે છે તે વાયરલેસ ચાર્જર. વધુ એક યુઝરે લખ્‍યું, એક દ્રશ્‍યમાં, બેડસાઇડ દિવાલ પર સૂટ પહેરેલા એક માણસનો ફોટો પણ છે.

AIમહાભારત એક વિચિત્ર સંયોજન છે. વિચારવું પડશે કે શું AIવાર્તા બદલી નાખે છે કે જૂના પાઠોને અલગ બનાવે છે. તેને જોવાની ૨૦૨૫ ની રીત જેવું લાગે છે. તે સારી રીતે બનાવેલી નથી... તેમાં ખૂબ જ બેદરકારી કરવામાં વી છે. ઉત્‍સાહની પ્રશંસા કરો પણ માફ કરશો... આ સંપૂર્ણ નથી. AIકંપનીએ તેના પર વધુ કામ કરવું જોઈતું હતું.(૩૮.૮)