તા. ૨૮ નવેમ્બરે ર૦ર૫ વિક્રમ સંવત ર૦૮૨ માગશર સુદ – ૮ શુક્રવાર
IGI એરપોર્ટ પર ટેકનિકલ ખામીઃ ફલાઇટ્સ ૩૦ મિનિટ મોડી
ATC સિસ્ટમમાં ટેકનિકલ ખામીઃ મુસાફરોને અગવડતા પડી
નવી દિલ્હી તા.૭: દિલ્હીના ઇન્દિરા ગાંધી આંતરરાષ્ટ્રીય એરપોર્ટ (IGI એરપોર્ટ) પર મુસાફરોને મુશ્કેલીઓનો સામનો કરવો પડ્યો. એર ટ્રાફિક કંટ્રોલ (ATC) સિસ્ટમમાં ટેકનિકલ ખામીને કારણે શુક્રવારે સવારે ફલાઇટ કામગીરી પ્રભાવિત થઈ, જેના કારણે ઘણી ફલાઇટ્સ માટે ૩૦ મિનિટથી વધુ વિલંબ થયો.
એર ઇન્ડિયાની ફલાઇટમાં એક મુસાફરે આ માહિતી આપી હતી. વિલંબિત ફલાઇટ્સના મુસાફરોને ધીરજ રાખવા વિનંતી કરવામાં આવી હતી કારણ કે ટેકનિકલ ટીમે સમસ્યાનું નિરાકરણ લાવવા માટે કામ કર્યું હતું. દરમિયાન, એર ઇન્ડિયાએ મુસાફરોને જાણ કરી કે કામગીરી ટૂંક સમયમાં સામાન્ય થવાની અપેક્ષા છે.
ફલાઇટમાં સવાર એક મુસાફરે જણાવ્યું હતું કે વિમાન અડધા કલાકથી વધુ સમયથી રનવે પર રાહ જોઈ રહ્યું હતું, અને ક્રૂએ વિલંબ માટે ખ્વ્ઘ્ સિસ્ટમમાં ટેકનિકલ સમસ્યાને જવાબદાર ગણાવી હતી.
આ સમસ્યાએ થોડા સમય માટે આગમન અને પ્રસ્થાન બંનેને અસર કરી હતી, જેના કારણે બોર્ડિગ ગેટ પર ભીડ થઈ હતી. એરલાઇન્સ દ્વારા હજુ સુધી કોઈ સત્તાવાર અપડેટ આપવામાં આવ્યું નથી.
બુધવારે IGI એરપોર્ટ પર એર ઇન્ડિયાની ફલાઇટ્સ માટે આવતા મુસાફરોને લગભગ દોઢ કલાક સુધી ચેક-ઇન દરમિયાન સમસ્યાઓનો સામનો કરવો પડ્યો હતો. આ સમય દરમિયાન એર ઇન્ડિયાનું ચેક-ઇન સિસ્ટમ સર્વર સંપૂર્ણપણે ડાઉન હતું.
એરલાઇને આ સમય દરમિયાન મેન્યુઅલી ઓપરેટ કરવાનો પ્રયાસ કર્યો, પરંતુ કોઈ ફાયદો થયો નહીં. મુસાફરો ચેક-ઇન માટે રાહ જોઈ રહ્યા હતા. ચેક-ઇન ખામીએ એર ઇન્ડિયાની મોટાભાગની ફલાઇટ્સને અસર કરી હતી.
(10:40 AM IST)
છેલ્લા 8 દિવસમાં સૌથી લોકપ્રિય 
