નવી દિલ્‍હી,તા.૮: દેશના સૌથી મોટા પ્રાઇવેટ સેક્‍ટર બેંક HDFC Bank એ પોતાના કરોડો ગ્રાહકોને રાહત આપી છે. બેંકે હોમ લોનની વ્‍યાજ દરોમાં ઘટાડો કર્યો છે. આથી તમારા હોમ લોનની EMI ઓછી થઈ શકે છે. HDFC Bank એ માર્જિનલ કોસ્‍ટ ઓફ ફંડ બેઝ્‍ડ લેન્‍ડિંગ રેટ (MCLR) ની વ્‍યાજ દરોમાં ૦.૧૦%નો ઘટાડો કર્યો છે. બેંક દર મહિને ૭ તારીખે આમાં ફેરફાર કરે છે. હવે આ નવા દરો ૭ નવેમ્‍બર ૨૦૨૫ થી લાગુ થઈ ગઈ છે.

HDFC Bank એ MCLR ઘટાડ્‍યો-કપાત પછી હવે HDFC Bankનો MCLR રેટ ૮.૩૫% થી ૮.૬૦% વચ્‍ચે છે. પહેલા આ રેટ ૮.૪૫% થી ૮.૬૫% વચ્‍ચે હતી. એટલે કે તમામ પીરિયડની લોન પર ૫થી ૧૦ બેસિસ પોઈન્‍ટ સુધીની રાહત આપવામાં આવી છે.

શું છે MCLR?-MCLRએ તે ન્‍યૂનતમ વ્‍યાજ દર છે જેના પર બેંક કોઈ ગ્રાહકને લોન આપી શકે છે. આ દર નક્કી કરે છે કે કોઈ લોન પર વ્‍યાજ દરની ન્‍યૂનતમ મર્યાદા શું હશે. RBIએ ૨૦૧૬માં MCLR સિસ્‍ટમ લાગુ કરી હતી. જેથી, વ્‍યાજ દરો પારદર્શક હોય અને ગ્રાહકોના હિત સુરક્ષિત રહે.

હોમ લોન દરો-HDFC Bankની હોમ લોન રેપો રેટ સાથે જોડાયેલી છે. બેંકની વેબસાઇટ અનુસાર, સેલરીડ અને સેલ્‍ફ-એમ્‍પ્‍લોયડ ગ્રાહકો માટે હોમ લોન વ્‍યાજ દરો ૭.૯૦%થી ૧૩.૨૦% વચ્‍ચે છે. બેંક આ દરો RBIની પોલિસી રેપો રેટ + ૨.૪% થી ૭.૭% ના આધારે નક્કી કરે છે.

બેસ રેટ અને BPLR-HDFC Bankનો બેસ રેટ હાલ ૮.૯૦% છે, જે ૧૯ સપ્‍ટેમ્‍બર ૨૦૨૫થી અસરકારક છે. જ્‍યારે બેંકનો બેન્‍ચમાર્ક પ્રાઇમ લેન્‍ડિંગ રેટ (BPLR) ૧૭.૪૦% વાર્ષિક છે.