ઉત્તરાખંડ અને જમ્મુ-કાશ્મીર જેવા પહાડી રાજ્યોમાં પણ હવામાન બદલાયું છે. જમ્મુ-કાશ્મીરના પર્વતોમાં બરફવર્ષા નોંધાઈ છે.  

   વિશ્વવિખ્યાત પર્યટન સ્થળ ગુલમર્ગ પણ હિમવર્ષાથી સફેદ ચાદરથી ઢંકાઈ ગયું છે, જેને કારણે પ્રવાસીઓ અને સ્થાનિકોના ચહેરા પર સ્મિત જોવા મળ્યું છે. હવામાન અધિકારીઓના જણાવ્યા અનુસાર, આગામી દિવસોમાં કાશ્મીરના ઊંચા પહાડી વિસ્તારોમાં વધુ હિમવર્ષાની અપેક્ષા છે, જે શિયાળુ રમતગમતના ઉત્સાહીઓ માટે ખુશીનો પ્રસંગ બનશે. હવામાન વિભાગે આગામી 24 કલાક દરમિયાન જમ્મુ પ્રદેશ, હિમાચલ પ્રદેશ અને ઉત્તરાખંડમાં વાવાઝોડા અને હિમવર્ષા સાથે 40 થી 50 કિલોમીટર પ્રતિ કલાકની ઝડપે પવન ફૂંકાવાની સંભાવના વ્યક્ત કરી છે