નવી દિલ્હી: બેંગલુરુમાં એક મહિલા પેસેન્જર સાથે રેપિડો (Rapido) બાઇક ચાલકે અનુચિત વ્યવહાર કરતાં સનસનાટી મચી ગઈ છે. આ ઘટનાનો વીડિયો મહિલાએ જાતે જ રેકોર્ડ કરીને સોશિયલ મીડિયા પર શેર કર્યો છે, જે હાલમાં ખૂબ જ વાયરલ થઈ રહ્યો છે.

અહેવાલ મુજબ, બેંગલુરુની આ મહિલા મુસાફર રેપિડો બાઇક ટેક્સીમાં મુસાફરી કરી રહી હતી. મુસાફરી દરમિયાન ચાલકે તેની સાથે અનુચિત રીતે સ્પર્શ કરવાની હરકત કરી, જેના કારણે મહિલા ડરથી કાંપવા લાગી.

પીડિતાએ બાઇક ચાલકને વારંવાર રોકવાનો પ્રયાસ કર્યો અને 'ભૈયા મત કરો...' (ભાઈ, આવું ન કરો) કહીને તેને ચેતવ્યો, પરંતુ ચાલકે તેની હરકતો ચાલુ રાખી. આથી, મહિલાએ હિંમત કરીને સમગ્ર ઘટનાનો વીડિયો બનાવીને તેને સોશિયલ મીડિયા પર પોસ્ટ કર્યો, જેથી અન્ય લોકો જાગૃત થાય અને ડ્રાઇવરની આ હરકતનો પર્દાફાશ થાય.

વાયરલ થયેલા આ વીડિયોના આધારે પોલીસે મામલાની તપાસ શરૂ કરી દીધી છે અને આરોપી રેપિડો ચાલક સામે કડક કાર્યવાહી કરવામાં આવે તેવી શક્યતા છે.