તિરુવનંતપુરમ: સબરીમાલાના મંડલા-મકરવિલાક્કુ ઉત્સવ સિઝન 17 નવેમ્બરથી શરૂ થવા જઈ રહી છે, ત્યારે લાખો યાત્રાળુઓને રાહત આપતા દક્ષિણ રેલ્વે (Southern Railway) એ સોમવારે 16 વિશેષ ટ્રેનોની જાહેરાત કરી છે.

રેલ્વે દ્વારા જાહેર કરાયેલી અખબારી યાદી મુજબ, આ વિશેષ ટ્રેનો 14 નવેમ્બરથી 24 જાન્યુઆરી, 2026 સુધી કાર્યરત રહેશે. આ ટ્રેનો કાકીનાડા, હઝુર સાહિબ નાંદેડ, ચાર્લપલ્લી, મછલીપટ્ટનમ, નરસાપુર, ચેન્નાઈ એગ્મોર અને ડૉ. એમજીઆર ચેન્નાઈ સેન્ટ્રલ જેવા વિવિધ સ્થળોથી કોલ્લમ અને કોટ્ટાયમ (Sabarimala Pilgrimage Points) સુધી દોડશે.

લાખો ભક્તો આ યાત્રામાં જોડાતા હોવાથી, આ વિશેષ ટ્રેનોની જાહેરાતથી તેમની મુસાફરી વધુ સરળ બનશે. આ ટ્રેનો માટેનું રિઝર્વેશન આજે (મંગળવારે) ખુલશે, જેથી યાત્રાળુઓને વહેલી તકે તેમની ટિકિટ બુક કરાવવાની તક મળશે.