દિલ્હી-ઇસ્લામાબાદમાં બોંબ બ્લાસ્ટ પાછળ પાકિસ્તાની સેનાનો હાથ
પાકિસ્તાનના પત્રકાર અને માનવાધિકાર કાર્યકર તાહા સિદ્દીકીનો ખળભળભાટ મચાવતો દાવો
નવી દિલ્હી, તા. ૧ર : પાકિસ્તાની પત્રકાર તાહા સિદ્દીકીએ તાજેતરમાં સોશિયલ મીડિયા પર એક નિવેદન આપ્યું હતું, જેમાં દાવો કરવામાં આવ્યો હતો કે પાકિસ્તાનમાં અને ભારતમાં થયેલા બોમ્બ વિસ્ફોટોમાં પાકિસ્તાની સેનાનો હાથ હતો.
જાણીતા પાકિસ્તાની પત્રકાર અને માનવાધિકાર કાર્યકર્તા તાહા સિદ્દીકીએ એક સનસનાટીભર્યો દાવો કર્યો છે. તેમણે જણાવ્યું હતું કે ઇસ્લામાબાદ અને દિલ્હીમાં થયેલા તાજેતરના બોમ્બ વિસ્ફોટો પાછળ પાકિસ્તાની સેનાનો હાથ હતો. સિદ્દીકીએ સોશિયલ મીડિયા પ્લેટફોર્મ X પર આ નિવેદન આપ્યું હતું, જેમાં પાકિસ્તાની સેના પર આતંકવાદનો ઉપયોગ ૅવિદેશ નીતિના સાધનૅ તરીકે કરવાનો આરોપ લગાવ્યો હતો.
પોતાની પોસ્ટમાં, તાહા સિદ્દીકીએ લખ્યું હતું કે, ૅપાકિસ્તાની સેના ભારત અને અન્ય દેશોમાં આતંકવાદ નિકાસ કરે છે. આ એક લાંબા સમયથી ચાલતી પદ્ધતિ છે જેના દ્વારા તે તેના વ્યૂહાત્મક હિતો પ્રાપ્ત કરવાનો પ્રયાસ કરે છે.ૅ તેમણે એમ પણ કહ્યું હતું કે પાકિસ્તાનનું લશ્કરી શાસન આતંકવાદને પ્રોત્સાહન આપીને માત્ર પ્રાદેશિક શાંતિને જોખમમાં મૂકી રહ્યું નથી પરંતુ દેશની લોકશાહી સંસ્થાઓને પણ નબળી પાડી રહ્યું છે.
સિદ્દીકીના નિવેદનથી પાકિસ્તાન અને આંતરરાષ્ટ્રીય સ્તરે ખળભળાટ મચી ગયો છે. તેમનો આ દાવો એવા સમયે આવ્યો છે જ્યારે દિલ્હીના લાલ કિલ્લા વિસ્તારમાં તાજેતરમાં થયેલા કાર બોમ્બ વિસ્ફોટમાં પાકિસ્તાન સ્થિત આતંકવાદી સંગઠન જૈશ-એ-મોહમ્મદ સાથેના સંબંધો બહાર આવ્યા છે. તેવી જ રીતે, તાજેતરમાં ઇસ્લામાબાદમાં એક શંકાસ્પદ વિસ્ફોટ થયો હતો, જેની તપાસ હજુ પણ ચાલુ છે. તાહા સિદ્દીકીએ ભૂતકાળમાં અનેક વખત પાકિસ્તાન સેના પર ગંભીર આરોપો લગાવ્યા છે. તેમણે લાંબા સમયથી સૈન્યની નીતિઓ અને પ્રેસ સ્વતંત્રતા પર તેના પ્રભાવની ટીકા કરી છે. સિદ્દીકી કહે છે કે પાકિસ્તાની સૈન્ય ફક્ત મીડિયાને નિયંત્રિત કરતું નથી પરંતુ તેની વિરુદ્ધ બોલતા પત્રકારોને પણ નિશાન બનાવે છે. ૨૦૧૮ માં, અજાણ્યા હુમલાખોરોએ કરાચી એરપોર્ટ પર તેમનું અપહરણ કરવાનો પ્રયાસ કર્યો હતો, ત્યારબાદ તેઓ ફ્રાન્સમાં નિર્વાસિત જીવન જીવી રહ્યા છે.
જોકે, સુરક્ષા નિષ્ણાતો કહે છે કે તાહા સિદ્દીકીના દાવાને સંપૂર્ણપણે ફગાવી શકાય નહીં, કારણ કે પાકિસ્તાન સેના અને ગુપ્તચર એજન્સી, ISI પર અગાઉ ભારત વિરોધી આતંકવાદી પ્રવળત્તિઓને ટેકો આપવાનો આરોપ મૂકવામાં આવ્યો છે. ભારતમાં પુલવામા (૨૦૧૯), પઠાણકોટ (૨૦૧૬) અને મુંબઈ (૨૦૦૮) જેવા હુમલાઓમાં પાકિસ્તાન સ્થિત આતંકવાદી સંગઠનો પણ સામેલ છે. તાહા સિદ્દીકીનું નિવેદન એવા સમયે આવ્યું છે જ્યારે ભારત અને પાકિસ્તાન વચ્ચેના સંબંધો અત્યંત તણાવપૂર્ણ છે. લાલ કિલ્લા પર થયેલા વિસ્ફોટ બાદ, ભારતીય સુરક્ષા એજન્સીઓ પહેલાથી જ ઉચ્ચ સતર્કતા પર છે અને પાકિસ્તાનમાંથી થતી કોઈપણ પ્રવળત્તિ પર નજર રાખી રહી છે.
(3:15 PM IST)
છેલ્લા 8 દિવસમાં સૌથી લોકપ્રિય 
