નવી દિલ્હી : ઇંગ્લેન્ડમાં રહેતા લોકો માટે એક મોટો આકર્ષણનું કેન્દ્ર બની ગયેલા દુબઈ શહેર વિશે એક મોડેલે ચોંકાવનારો ખુલાસો કર્યો છે. લંડનમાં સતત વધતા અપરાધ, લૂંટફાટની ઘટનાઓ અને ઊંચા ટેક્સથી કંટાળીને એક મહિલાએ દુબઈમાં શિફ્ટ થવાનો નિર્ણય લીધો, જ્યાં તેને સારી નોકરી પણ મળી ગઈ. દુબઈને તે લંડન કરતાં ઘણું સુરક્ષિત અને ટેક્સ-ફ્રી શહેર માને છે, તેમ છતાં તેણે ત્યાંની એક મોટી સમસ્યા વિશે ચેતવણી આપી છે.

સમસ્યા ડેટિંગ એપ્સની: મહિલાએ જણાવ્યું કે, દુબઈમાં રહેવાનો અનુભવ મોટા ભાગે સારો રહ્યો છે, પરંતુ ત્યાંની ડેટિંગ સંસ્કૃતિ ઘણી ખતરનાક છે. તેના મતે, દુબઈમાં ડેટિંગ એપ્સનો ઉપયોગ કરવો જોખમી સાબિત થઈ શકે છે.

લંડનથી દુબઈ શિફ્ટ થયેલી આ મોડેલે સલાહ આપી છે કે દુબઈમાં ડેટિંગ એપ્સ પર મળતા લોકો પર આંધળો વિશ્વાસ ન કરવો જોઈએ. તેનું કહેવું છે કે દુબઈમાં ડેટિંગ સીન જટિલ અને અનુમાનિત નથી, જેના કારણે ત્યાં સંબંધો બાંધવા મુશ્કેલ બની શકે છે.

જોકે દુબઈ વિશ્વના સૌથી સુરક્ષિત શહેરોમાંનું એક માનવામાં આવે છે અને ત્યાં રહેતા વિદેશીઓને કોઈ આવકવેરો (Tax) ચૂકવવો પડતો નથી, તેમ છતાં અંગત સંબંધોના મામલે આ શહેર ખાસ સાવધાની રાખવા જેવું છે, તેમ આ મહિલાનું માનવું છે.