કુવૈતનું કુવૈતી દિનાર વિશ્વનું સૌથી મજબૂત ચલણ
અહીં નોકરી કર્યા બાદ ભારત ફરશો તો મોજ પડી જશે! ૧ : કુવૈત એક નાનો પણ અત્યંત શ્રીમંત દેશ છે. તેની મજબૂતાઈનું સૌથી મોટું કારણ તેનો તેલનો ભંડાર છે
કુવૈત તા.૧૩: વિશ્વભરમાં દરેક દેશનું પોતાનું અલગ ચલણ હોય છે અને તેનું મુલ્ય પણ અલગ અલગ હોય છે. જેમાં કોઈની કિમત વધુ હોય છે, તો કોઈ ઓછી હોય છે. ભારતનો કોઈ વ્યક્તિ જ્યારે વિદેશમાં કામ કરવાનું સ્વપ્ન જુએ છે, ત્યારે તેમના મનમાં એક જ વિચાર આવે છે કે તેઓ ક્યાંથી વધુ પગાર અને ઉચ્ચ ચલણ મૂલ્ય મેળવી શકે છે? જો તમે પણ એવી જગ્યાએ કામ કરવાનું વિચારી રહ્યા છો જ્યાં ચલણ ભારતીય રૂપિયા કરતાં અનેક ગણું મૂલ્યવાન હોય, તો જવાબ છે કુવૈત.
કુવૈતનું કુવૈતી દિનાર વિશ્વનું સૌથી મજબૂત ચલણ માનવામાં આવે છે. એક કુવૈતી દિનારની કિમત આશરે ૨૮૮.૫૪ ભારતીય રૂપિયા છે. એટલે કે, જો તમારી પાસે માત્ર ૧૦૦ કુવૈતી દિનાર હોય તો ભારતમાં તેનું મૂલ્ય આશરે ૨૮,૮૫૪ રૂપિયા હશે. કલ્પના કરો, જો કોઈ ત્યાં કામ કરે છે અને હજારો દિનારનો પગાર કમાય છે, તો ભારત પાછા ફરવા પર તે રકમ કેટલી મોટી હશે!
કુવૈત એક નાનો પણ અત્યંત શ્રીમંત દેશ છે. તેની મજબૂતાઈનું સૌથી મોટું કારણ તેનો તેલનો ભંડાર છે. કુવૈત વિશ્વના તેલ ભંડારનો લગભગ ૭% હિસ્સો ધરાવે છે. આ જ કારણે દેશનું અર્થતંત્ર ખૂબ જ મજબૂત છે અને સરકાર પાસે વિદેશી ચલણની કોઈ અછત નથી. કુવૈતનું ચલણ યુએસ ડોલર કરતા પણ વધારે માનવામાં આવે છે.
કુવૈતમાં મોટી સંખ્યામાં ભારતીયો કામ કરે છે. ભારતીયોની માંગ ખૂબ જ વધારે છે, ખાસ કરીને એન્જાિનિયરિગ, હેલ્થકેર, કન્સ્ટ્રક્શન અને IT ક્ષેત્રોમાં ભારતીયોની ખૂબ માંગ છે. આ ઉપરાંત ભારતીયોને અહીં માત્ર સારો પગાર જ નહીં, પરંતુ કરવેરાની પણ કોઈ મુશ્કેલી નથી, એટલે કે તેઓ જે કંઈ કમાય છે તે સંપૂર્ણપણે તમારું છે!
જો કોઈ ભારતીય વ્યાવસાયિક દર મહિને માત્ર ૧,૦૦૦ કુવૈતી દિનાર કમાય છે, તો ભારતીય દ્રષ્ટિએ તેનું મૂલ્ય આશરે ૨.૮૮ લાખ છે. એટલે તેનો અર્થ એ કે, ભારતમાં ઘણા લોકો ત્યાં માત્ર થોડા અઠવાડિયામાં વાર્ષિક પગાર મેળવી શકે છે.
જો તમારી પાસે કુવૈતમાં કામ કરવા માટે ડિગ્રી અથવા સ્પેશિયલ કુશળતા હોય તો નોકરી શોધવી મુશ્કેલ નથી. અહીં મોટાભાગના નોકરીદાતાઓને ટેકનિકલ નોલેજ, ઈંગ્લીશમાં કોમ્યુનિકેશ અને પ્રોફેશનલ વલણ ધરાવતા લોકોની જરૂર હોય છે. ઘણા યુવાન ભારતીયો પોતાનું જીવન બદલવા માટે કુવૈત જઈ રહ્યા છે.
કુવૈતમાં થોડા વર્ષો કામ કર્યા પછી લોકો લાખોની બચત કરીને ભારત પરત ફરે છે. ઘણા લોકો ભારતમાં પોતાનો વ્યવસાય પણ શરૂ કરે છે અથવા મિલકતમાં રોકાણ કરે છે. ત્યાંના પગાર અને ચલણ મૂલ્યો ભારતમાં નવી શરૂઆત કરવાની તક આપે છે.(૩૮.૭)
(10:21 AM IST)
છેલ્લા 8 દિવસમાં સૌથી લોકપ્રિય 
