વોશીંગ્‍ટન, તા.૧૩: અમેરિકન ઇતિહાસમાં સૌથી લાંબો શટડાઉન આખરે સમાપ્ત થયો છે. બુધવારે, યુએસ કોંગ્રેસે શટડાઉન સમાપ્ત કરવા માટે એક બિલ પસાર કર્યું, જેના પર રાષ્‍ટ્રપતિ ટ્રમ્‍પે હસ્‍તાક્ષર કર્યા. આનાથી ૪૩ દિવસના શટડાઉનનો અંત આવ્‍યો. શટડાઉન સમાપ્ત કરવાના કરારના ભાગ રૂપે, છેલ્લા ૪૩ દિવસ દરમિયાન છૂટા કરાયેલા ફેડરલ કર્મચારીઓને ફરીથી નોકરી પર રાખવામાં આવશે. તે બિલ ૨૨૨-૨૦૯ મતોથી પસાર થયું. વ્‍હાઇટ હાઉસે પણ પુષ્ટિ આપી છે કે ડોનાલ્‍ડ ટ્રમ્‍પે બિલ પર હસ્‍તાક્ષર કર્યા છે. સરકારી કામગીરી હવે સત્તાવાર રીતે શરૂ થશે. આ ફક્‍ત અમેરિકાના GDP માટે સારા સમાચાર નથી, પરંતુ ૪૦ મિલિયનથી વધુ અમેરિકનો માટે પણ એક મહત્‍વપૂર્ણ રાહત છે.

શાસક રિપબ્‍લિકન પાર્ટીએ હાઉસ ઓફ રિપ્રેઝન્‍ટેટિવ્‍સમાં ૨૨૨-૨૦૯ મતોથી બિલ પસાર કર્યું. સેનેટે પહેલાથી જ બિલ પસાર કરી દીધું હતું, અને હવે રાષ્‍ટ્રપતિ ટ્રમ્‍પે તેના પર હસ્‍તાક્ષર કરી દીધા છે. રાષ્‍ટ્રપતિ ટ્રમ્‍પે બિલ પસાર થવાને એક મોટી જીત ગણાવી. એ નોંધનીય છે કે ડેમોક્રેટિક પાર્ટી એફોર્ડેબલ કેર એક્‍ટ હેઠળ આપવામાં આવતા આરોગ્‍ય કવરેજ માટે ટેક્‍સ ક્રેડિટમાં વધારો કરવાની માંગ કરી રહી હતી. આ ટેક્‍સ ક્રેડિટ આ વર્ષના અંતમાં સમાપ્ત થાય છે. જો સરકાર ટેક્‍સ ક્રેડિટનો વિસ્‍તાર નહીં કરે, તો આરોગ્‍ય કવરેજ વધુ મોંઘું થઈ જશે. આ મુદ્દા પર લાંબા સમય સુધી શટડાઉન ચાલુ રહ્યું, પરંતુ રિપબ્‍લિકન પાર્ટીએ હાર માની નહીં, અને અંતે, ડેમોક્રેટિક પાર્ટીએ હાર માની.

આ બિલથી લશ્‍કરી બાંધકામ, નિવળત્ત સૈનિકોની બાબતો, કળષિ વિભાગ અને કોંગ્રેસ માટે આ નાણાકીય વર્ષ સુધી ફંડ મળી, જ્‍યારે બાકીના સરકારી વિભાગને જાન્‍યુઆરીના અંત સુધી ભંડોળ મળશે.

૪૩ દિવસથી સુધી ચાલી રહેલા શટડાઉનને કારણે થયેલા નાણાકીય નુકશાનનો અંદાજ હજુ લગાવવામાં આવી રહ્યો છે, પરંતુ અહેવાલ મુજબ કોંગ્રેસનલ બજેટ ઓફિસે આર્થિક વળદ્ધિમાં લગભગ ઼૧૪ બિલિયનના નુકસાનનો અંદાજ લગાવ્‍યો છે.

નોંધનીય છે કે શટડાઉન લાગુ થયા બાદ ટ્રમ્‍પ વહીવટીતંત્રએ હજારો ફેડરલ કર્મચારીઓની છટણી કરી હતી. આ બિલ પસાર થતા જાન્‍યુઆરી સુધી ફેડરલ કર્મચારીઓને છટણી કરવામાં નહીં આવે છે અને કર્મચારીઓને પગારની ચુકવણી કરવામાં આવશે. રજા પર ઉતારી દેવામાં આવેલા લગભગ ૬,૭૦,૦૦૦ સરકારી કર્મચારીઓ કામ પર પરત ફરશે. આ ઉપરાંત પગાર વિના કામ કરી રહેલા એટલા જ કર્મચારીઓને વળતર મળશે.કળષિ વિભાગ માટે ભંડોળ મળતા કે મુખ્‍ય ખાદ્ય સહાય યોજના પર આધાર રાખતા લોકોને બાકીના નાણાકીય વર્ષ દરમિયાન કોઈ અવરોધ વિના લાભ મળતા રહેશે. યુએસ સેનેટમાં આ બીલ સોમવારે પસાર કર્યું હતું, કેટલાક ડેમોક્રેટ્‍સે તેને સમર્થન આપ્‍યું હતું. બીલમાં ડેમોક્રેટિક પાર્ટી દ્વારા માંગ કરવામાં આવેલી મુખ્‍ય હેલ્‍થ કેર ખર્ચ જોગવાઈને બાદ કરવામાં આવી છે.

અમેરિકામાં શટડાઉનનું આર્થિક નુકસાન નોંધપાત્ર હતું. કોંગ્રેસનલ બજેટ ઓફિસે અંદાજ લગાવ્‍યો હતો કે તે ચોથા ક્‍વાર્ટરના GDP વળદ્ધિ દરમાં ૧.૫% ઘટાડો કરશે. જોકે, ફેડરલ કાર્યક્રમો ફરી શરૂ થવાથી અને બાકી પગારની છૂટથી આમાં સુધારો થઈ શકે છે.

ટ્રમ્‍પે નમ્રતા દાખવીને ગળહ દ્વારા પસાર કરાયેલા ભંડોળ બિલ પર હસ્‍તાક્ષર કર્યા પછી શટડાઉન હવે સમાપ્ત થઈ ગયું છે, પરંતુ નુકસાન પહેલાથી જ પૂર્ણ થઈ ગયું છે. ખાસ કરીને, ફૂડ સ્‍ટેમ્‍પ પર સીધા આધાર રાખતા ૪૨ મિલિયન અમેરિકનોએ તેમના નવેમ્‍બર લાભો ગુમાવ્‍યા છે. ઘણા રાજ્‍યોએ જણાવ્‍યું છે કે સહાય પુનઃસ્‍થાપિત કરવામાં સમય લાગી શકે છે, અને આ વ્‍યક્‍તિઓએ સહાય માટે વધુ એક અઠવાડિયા રાહ જોવી પડી શકે છે.