પટના:બિહાર વિધાનસભા ચૂંટણી ૨૦૨૫ના પરિણામોમાં NDA ગઠબંધને ૨૦૨ બેઠકો સાથે પ્રચંડ જીત મેળવી છે, જ્યારે RJD, કોંગ્રેસ અને ડાબેરી પક્ષો ધરાવતું મહાગઠબંધન માત્ર ૩૫ બેઠકો પર સમેટાઈ ગયું છે. આ કારમી હાર વચ્ચે પણ, રાષ્ટ્રીય જનતા દળ (RJD) ના નેતા તેજસ્વી યાદવને બે આંકડાકીય પરિબળોએ મોટી રાહત આપી છે, જે ભવિષ્યના રાજકારણ માટે સંકેતરૂપ છે.

૧. સર્વાધિક મત હિસ્સો (Vote Share): બેઠકોની સંખ્યામાં ભારે ઘટાડો થવા છતાં (માત્ર ૨૫ બેઠકો), RJD ૨૩% મત હિસ્સા સાથે ચૂંટણીમાં સૌથી આગળ રહ્યું છે. આની સરખામણીમાં, ભાજપ ૨૦.૦૮% સાથે બીજા ક્રમે અને JDU ૧૯.૨૫% સાથે ત્રીજા ક્રમે રહ્યું. આ ડેટા દર્શાવે છે કે જમીન પર RJDનું સમર્થન હજી પણ વ્યાપક છે.
૨. સૌથી વધુ કુલ મત: RJD એ એકલા હાથે કુલ ૧.૧૫ કરોડ મતદારોના મતો મેળવ્યા છે, જે કોઈપણ એક પક્ષ દ્વારા મેળવાયેલા સૌથી વધુ મત છે. ભાજપને RJD કરતાં લગભગ ૧૫ લાખ ઓછા, એટલે કે ૧.૮૧ લાખ મત મળ્યા હતા. જોકે, ભાજપે ૮૯ બેઠકો જીતી, જ્યારે RJD માત્ર ૨૫ બેઠકો પર સમેટાઈ. આ વિસંગતતા સ્પષ્ટ કરે છે કે RJDના મતનું કેન્દ્રીકરણ બેઠકોમાં રૂપાંતરિત થઈ શક્યું નથી, જે બેઠક વહેંચણી અને ચૂંટણી વ્યવસ્થાપનમાં ગેરવ્યૂહરચના સૂચવે છે.
મત હિસ્સો અને કુલ મતમાં આગળ રહેવું તેજસ્વી યાદવ માટે આ હારમાં એકમાત્ર સાંત્વન છે, જે તેમના નેતૃત્વ હેઠળના વિશાળ જનસમર્થનને રેખાંકિત કરે છે