પાકિસ્તાનનું નાપાક ષડયંત્ર નિષ્ફળઃ દિલ્હીથી ઝડપાયો ‘મોતનો સામાન'
આંતરરાષ્ટ્રીય શસ્ત્ર સિન્ડીકેટનો પર્દાફાશઃ ચારની ધરપકડઃ ચારેયનું કનેકશન પાકિસ્તાન સાથે ત્રાસવાદીઓ-ગેંગસ્ટરોને શસ્ત્રો સપ્લાય કરવાના હતાઃ ચારેય યુપી-પંજાબના રહેવાસી છે
નવી દિલ્હી, તા.૨૨: દિલ્હી પોલીસ ક્રાઈમ બ્રાન્ચે પાકિસ્તાન દ્વારા વધુ એક ઘાતક કાવતરું નિષ્ફળ બનાવ્યું ત્યારે રાજધાની દિલ્હી લાલ કિલ્લા પાસે થયેલા કાર બોમ્બ વિસ્ફોટમાંથી હજુ બહાર આવી ન હતી. એવું બહાર આવ્યું છે કે દિલ્હી વિસ્ફોટ પછી ISI લક્ષિત ગોળીબાર અને હિંસક ઘટનાઓ દ્વારા શહેરમાં ફરીથી ભય ફેલાવવાનું કાવતરું ઘડી રહી હતી. ભારતના ચાર દેશદ્રોહી આ લોહિયાળ ગેમ પ્લાનમાં પાકિસ્તાનને મદદ કરી રહ્યા હતા.
દિલ્હી પોલીસની ક્રાઈમ બ્રાન્ચે એક મોટા આંતરરાષ્ટ્રીય હથિયાર દાણચોરી રેકેટનો પર્દાફાશ કર્યો છે. પોલીસે આ રેકેટમાં સામેલ ચાર આરોપીઓની ધરપકડ કરી છે, જેઓ પાકિસ્તાનથી ડ્રોન દ્વારા કુખ્યાત ગેંગસ્ટરોને મોકલવામાં આવેલા અત્યાધુનિક હથિયારો પહોંચાડવાનો પ્રયાસ કરી રહ્યા હતા.
પોલીસના જણાવ્યા અનુસાર, આ હથિયારો પંજાબ થઈને ભારત લાવવામાં આવ્યા હતા અને લોરેન્સ બિશ્નોઈ, બંબીહા, ગોગી અને હિમાંશુ ભાઉ ગેંગ માટે મોકલવામાં આવ્યા હતા. જપ્ત કરાયેલા હથિયારોમાં તુર્કી અને ચીનમાં બનેલા હાઇટેક હથિયારોનો સમાવેશ થાય છે.
ક્રાઈમ બ્રાન્ચને માહિતી મળી હતી કે કેટલાક દાણચોરો રાજધાનીમાં હથિયારોનો મોટો જથ્થો પહોંચાડવાના છે. ત્યારબાદ, રોહિણી વિસ્તારમાં છટકું ગોઠવવામાં આવ્યું હતું અને આરોપીઓને પકડી લેવામાં આવ્યા હતા. પોલીસે ઘટનાસ્થળેથી મોટા પ્રમાણમાં અત્યાધુનિક હથિયારો જપ્ત કર્યા હતા અને સમગ્ર નેટવર્કની તપાસ કરી રહી છે.
ધરપકડ કરાયેલા આરોપીઓ પંજાબ અને ઉત્તર પ્રદેશના રહેવાસી છે. પોલીસે જણાવ્યું હતું કે હથિયારોનો આ મોટો જથ્થો દિલ્હીના રોહિણી વિસ્તારમાંથી મળી આવ્યો હતો. ક્રાઈમ બ્રાન્ચને માહિતી મળી હતી કે કેટલાક દાણચોરો રાજધાનીમાં શષાો સપ્લાય કરવાની યોજના બનાવી રહ્યા છે. ત્યારબાદ, ટીમે છટકું ગોઠવીને આરોપીઓની ધરપકડ કરી હતી.
એક ગુપ્ત માહિતી અનુસાર, ડીસીપી સંજીવ કુમાર યાદવના નેતળત્વ હેઠળ ક્રાઈમ બ્રાન્ચે એક મોટી કાર્યવાહી હાથ ધરી અને આ આંતરરાષ્ટ્રીય ગેરકાયદેસર શષા સપ્લાય મોડ્યુલનો પર્દાફાશ કર્યો. પોલીસે આ ગેંગના ચાર મુખ્ય કાર્યકરોની ધરપકડ કરી અને ૧૦ વિદેશી બનાવટની સેમી-ઓટોમેટિક પિસ્તોલ અને ૯૨ જીવંત કારતૂસ જપ્ત કર્યા. આ સમગ્ર કન્સાઈનમેન્ટ પાકિસ્તાનથી ડ્રોન દ્વારા આંતરરાષ્ટ્રીય સરહદ પાર કરીને ભારતમાં મોકલવામાં આવ્યું હતું, જે દુશ્મન દ્વારા આતંક ફેલાવવા માટે ઉપયોગમાં લેવાતી અત્યાધુનિક ટેકનોલોજીને ઉજાગર કરે છે. ધરપકડ કરાયેલા આરોપીઓની ઓળખ મનદીપ, દલવિંદર, રોહન અને અજય ઉર્ફે મોનુ તરીકે થઈ છે. બધા પંજાબ, ઉત્તર પ્રદેશ અને દિલ્હીના રહેવાસી હોવાનું કહેવાય છે.
સૌથી ખતરનાક હથિયાર જે તુર્કીમાં બનેલું PX-૫.૭ છે, જેનો ઉપયોગ સામાન્ય રીતે વિશેષ દળો દ્વારા અને ઉચ્ચ જોખમી કામગીરીમાં થાય છે. ચીનમાં બનેલી PX-૩ પિસ્તોલ પણ જપ્ત કરવામાં આવી હતી. બંને શષાો બજારમાં મળવા લગભગ અશકય છે અને તેનો ઉપયોગ વ્યાવસાયિક, સાયલન્ટ અને ઝડપી હુમલાઓમાં થાય છે. આ સ્પષ્ટપણે દર્શાવે છે કે આ કન્સાઈનમેન્ટ ફક્ત ગેંગ વોરફેર અથવા લૂંટ માટે નહીં, પરંતુ ટાર્ગેટ કિલિંગ અને મોટા આતંકવાદી ઓપરેશન માટે હતો.
સ્પેશિયલ પોલીસ કમિશનર દેવેશ શ્રીવાસ્તવે જણાવ્યું હતું કે આ મોડ્યુલનું નેટવર્ક પાકિસ્તાનની ISI સાથે જોડાયેલું છે અને તેનો ઉદ્દેશ્ય ભારતમાં શ્રેણીબદ્ધ મોટા હુમલાઓ કરવાનો હતો. જોઈન્ટ સીપી સુરેન્દ્ર કુમારના જણાવ્યા અનુસાર, ધરપકડ કરાયેલા આરોપીઓની પૂછપરછથી શષાો ખરીદનારાઓની યાદી, નાણાકીય વ્યવહારો અને વિદેશમાં સ્થિત હેન્ડલર વિશે મહત્વપૂર્ણ માહિતી મળવાની અપેક્ષા છે.
હવે, શષાો જપ્ત થયા પછી, સુરક્ષા એજન્સીઓને શંકા છે કે વિસ્ફોટ અને હથિયારોની દાણચોરી એક મોટી યોજનાનો ભાગ હતી. પહેલું બોમ્બ દ્વારા આતંક ફેલાવવાનું હતું.સૂત્રોના જણાવ્યા અનુસાર, આ મોડ્યુલ દિલ્હીમાં કાર્યરત ગુનાહિત ગેંગ, કટ્ટરપંથી મોડ્યુલ અને આતંકવાદી સંગઠનો સાથે સંકળાયેલ હોઈ શકે છે. ધરપકડ કરાયેલા આરોપીઓના મોબાઇલ ફોન, બેંક વ્યવહારો, સોશિયલ મીડિયા અને વિદેશી સંપર્કોના આધારે વધુ તપાસ ચાલી રહી છે.
(3:00 PM IST)
છેલ્લા 8 દિવસમાં સૌથી લોકપ્રિય 
