મલેશિયા અને નજીકના મલક્કા સ્ટ્રેટ પર એક નીચા દબાણનો વિસ્તાર રચાયો છે, જે આગામી 24 કલાકમાં દક્ષિણ બંગાળની ખાડી પર ચક્રવાતી તોફાનમાં તીવ્ર બની શકે છે. આ સિસ્ટમ હાલમાં પશ્ચિમ-ઉત્તરપશ્ચિમ તરફ આગળ વધી રહી છે. આગામી 24 કલાકમાં દક્ષિણ આંદામાન સમુદ્ર પર દબાણ બનાવીને તે વધુ મજબૂત બની શકે છે, જેનાથી જોખમ વધી શકે છે. હવામાન વિભાગે આ અંગે ચેતવણી જાહેર કરાઈ છે.  

 ભારતીય હવામાન વિભાગ (IMD) એ જણાવ્યું છે કે મલેશિયા અને તેની નજીકના મલક્કા સ્ટ્રેટ પર એક નીચા દબાણનો વિસ્તાર આગામી 48 કલાકમાં દક્ષિણ બંગાળની ખાડી પર ચક્રવાતી તોફાનમાં તીવ્ર બને તેવી શક્યતા છે. આ સિસ્ટમ હાલમાં પશ્ચિમ-ઉત્તરપશ્ચિમ તરફ આગળ વધી રહી છે અને આગામી 24 કલાક દરમિયાન દક્ષિણ આંદામાન સમુદ્ર પર ડિપ્રેશનમાં મજબૂત બને તેવી શક્યતા છે.   

હવામાન વિભાગના સવારના સેટેલાઇટ વિશ્લેષણ મુજબ, આ દબાણની અસર દક્ષિણ આંદામાન સમુદ્ર, મલક્કા સ્ટ્રેટ અને આસપાસના વિસ્તારોમાં દેખાઈ રહી છે. 15-20 સમુદ્રી માઈલની પવનની ગતિ અપેક્ષિત છે, જેમાં 30 સમુદ્રી માઈલ સુધીના પવન ફૂંકાવાની અપેક્ષા છે. દરિયાની સ્થિતિ હાલમાં મધ્યમ છે. હવામાન વિભાગે આ અંગે ભારે વરસાદની ચેતવણી પણ જાહેર કરી છે. 

હવામાન વિભાગે ૨૬-૩૦ નવેમ્બર, ૨૦૨૫ ના રોજ તમિલનાડુ માટે ભારે વરસાદની ચેતવણી જારી કરી છે. ૨૬ નવેમ્બર, ૨૦૨૫ ના રોજ કેરળ અને માહેમાં પણ વરસાદની આગાહી છે. ૨૬-૨૮ નવેમ્બર, ૨૦૨૫ ના રોજ અતિ ભારે વરસાદની ચેતવણી જારી કરવામાં આવી છે. આગામી છ દિવસમાં આંદામાન અને નિકોબાર ટાપુઓમાં ૪૦-૫૦ કિલોમીટર પ્રતિ કલાકની ઝડપે પવન ફૂંકાશે તેવી શક્યતા છે. 

હવામાનશાસ્ત્રીઓ મૂલ્યાંકન કરી રહ્યા છે કે ૨૬ નવેમ્બર, ૨૦૨૫ પછી ચક્રવાત સેન્યાર તમિલનાડુ-આંધ્રપ્રદેશ કિનારા તરફ આગળ વધશે કે ઉત્તર તરફ વળશે અને ઓડિશા અને બાંગ્લાદેશ તરફ આગળ વધશે. હવામાન વિભાગે માછીમારોને આંદામાન સમુદ્ર અને દક્ષિણપશ્ચિમ બંગાળની ખાડીમાં ન જવાની સલાહ આપી છે.