ઉત્તર પ્રદેશના ગોંડામાં જૈતપુર માઝા પ્રાથમિક શાળાના શિક્ષક વિપિન યાદવે શંકાસ્પદ સંજોગોમાં શાળાના પરિસરમાં ઝેરી પદાર્થ પી લીધો હતો. મેડિકલ કોલેજમાં સારવાર દરમિયાન તેમનું મૃત્યુ થયું હતું. મતદાર સુધારણા (SIR) દરમિયાન વિપિન BLO તરીકે ફરજ પર હતા. 

  BLOના મૃત્યુ અંગે કોંગ્રેસના સાંસદ રાહુલ ગાંધીએ ભાજપ અને ચૂંટણી પંચ પર પ્રહારો કર્યા છે. તેમણે એક પોસ્ટમાં લખ્યું છે કે, "OBC મતદારોના નામ કાઢી નાખો, નહીંતર તમારી નોકરી ગુમાવશો." દબાણ, ધમકીઓ અને પરિણામ? અંતે આત્મહત્યા. SIR ના નામે, ભાજપ પછાત, દલિત, વંચિત અને ગરીબ મતદારોને યાદીમાંથી દૂર કરીને પોતાની ઇચ્છા મુજબ મતદાર યાદીઓ તૈયાર કરી રહ્યું છે. લોકશાહીની હત્યા માટે ચૂંટણી પંચ જવાબદાર છે.

   રાહુલ ગાંધીની પોસ્ટ પહેલા, કોંગ્રેસ પાર્ટીએ એક પોસ્ટમાં વિપિન યાદવના પરિવારના શબ્દો ટાંક્યા હતા. વીડિયો શેર કરતા કોંગ્રેસે લખ્યું હતું કે, "OBC મતદારોના નામ કાઢી નાખો નહીંતર તમારી નોકરી ખતમ થઈ જશે." આ વાત ઉત્તર પ્રદેશના ગોંડામાં બ્લોક ડેવલપમેન્ટ ઓફિસર (BLO) વિપિન યાદવને કહેવામાં આવી હતી, જેના પછી તેમણે આત્મહત્યા કરી લીધી હતી. વિપિન યાદવના પરિવારનો દાવો છે કે SDM અને એકાઉન્ટન્ટ તેમના પર SIRમાંથી OBC મતદારોના નામ કાઢી નાખવા માટે દબાણ કરી રહ્યા હતા

   જ્યારે વિપિન યાદવે આમ કરવાનો ઇનકાર કર્યો, ત્યારે તેમને બરતરફી અને પોલીસ કાર્યવાહીની ધમકી આપવામાં આવી. આ SIR ની વાસ્તવિકતા છે, જે BLO ને આત્મહત્યા કરવા માટે મજબૂર કરી રહી છે. વાસ્તવમાં, પછાત, દલિત, હાંસિયામાં ધકેલાઈ ગયેલા અને વિપક્ષ સમર્થિત મતદારોના નામ કાઢી નાખવા અને ભાજપને અનુરૂપ મતદાર યાદી બનાવવા માટે ગુપ્ત રીતે આદેશો જારી કરવામાં આવ્યા છે. જ્ઞાનેશ કુમાર અને નરેન્દ્રભાઈ મોદી લોકશાહીનો નાશ કરવા માટે તત્પર છે, અને SIR તેમનું સાધન છે.

કોંગ્રેસ પ્રમુખ મલ્લિકાર્જુન ખડગેએ પણ SIR મુદ્દે ભાજપ પર પ્રહારો કર્યા. તેમણે કહ્યું, "એક તરફ, SIR માં ઘણી ખામીઓ છે, અને બીજી તરફ, BLO પર ભારે દબાણ લાવવામાં આવી રહ્યું છે. સત્ય એ છે કે ચૂંટણી પંચ પોતે 'મત ચોરી'ને સરળ બનાવી રહ્યું છે. કમિશનનું કામ સ્વચ્છ મતદાર યાદી તૈયાર કરવાનું છે. તેનાથી વિપરીત, તે દલિતો, પછાત, આદિવાસી અને લઘુમતી મતદારોના નામ મતદાર યાદીમાંથી બાકાત રાખી રહ્યું છે."