નવી દિલ્હી: સુપ્રીમ કોર્ટના ન્યાયમૂર્તિ મનમોહને કાનૂની ક્ષેત્રમાં આર્ટિફિશિયલ ઇન્ટેલિજન્સ (એઆઈ) ની ક્ષમતા પર ભાર મૂકતા જણાવ્યું છે કે એઆઈ રૂટિન (નિયમિત) અને સ્મોલ-ટિકિટ' કેસોનું સંચાલન કરીને લગભગ ૬૦ ટકા જેટલા મુકદ્દમા (લીટીગેશન) નો ઉકેલ લાવી શકે છે. તેમણે દિલ્હીમાં 'ઈન્ડિયા લો, એઆઈ એન્ડ ટેક સમિટ'માં આ વાત કહી હતી.
ન્યાયમૂર્તિ મનમોહને કહ્યું કે એઆઈ જેવી ટેક્નોલોજીનો ઉપયોગ કરવાથી ન્યાય પ્રણાલીની કાર્યક્ષમતામાં ઘણો સુધારો થઈ શકે છે. નાના અને પુનરાવર્તિત સ્વભાવના કેસોને એઆઈ દ્વારા હેન્ડલ કરવાથી ન્યાયાધીશો અને વકીલોને વધુ જટિલ કેસો પર ધ્યાન કેન્દ્રિત કરવા માટે સમય મળી શકશે.
તેમણે કાનૂની વ્યવસ્થાને નવી ટેક્નોલોજીઓ સાથે જવાબદારીપૂર્વક સંચાલન કરવા માટે વિકસિત થવાની જરૂરિયાત પર પણ ભાર મૂક્યો હતો