નવી દિલ્હી: રશિયાએ ૨૦૨૮ સુધીમાં આ પરમાણુ સબમરીનને રિફિટ કરવાનું વચન આપ્યું છે. નૌકાદળના વડાએ જણાવ્યું હતું કે ભારત ૨૦૨૭ સુધીમાં આ પરમાણુ સબમરીન મેળવવા માંગે છે.

ભારત રશિયા પાસેથી આ બીજી પરમાણુ સબમરીન મેળવી રહ્યું છે. અગાઉ, ૨૦૧૨ માં, તેણે રશિયા પાસેથી ૈંદ્ગજી ચક્ર સબમરીન ૧૦ વર્ષ માટે ભાડે લીધી હતી. તે ૨૦૨૨માં રશિયા પાછી આવી હતી. આ પરમાણુ સબમરીન ઘણા અઠવાડિયા સુધી પાણીની અંદર રહી શકે છે. જે દેશની દરિયાઈ શક્તિમાં વધુ વધારો કરે છે. આ સબમરીન ભારતને ૧૦ વર્ષ માટે લીઝ પર આપવામાં આવશે.ક્રેમલિનના પ્રવક્તા દિમિત્રી પેસ્કોવે જણાવ્યું હતું કે, રાષ્ટ્રપતિ પુતિનની મુલાકાતના એજન્ડામાં જી-૪૦૦ સંરક્ષણ પ્રણાલીનો સમાવેશ થઈ શકે છે. રશિયાના રાષ્ટ્રપતિ વ્લાદિમીર પુતિન ૪-૫ ડિસેમ્બરે ભારતની રાજ્ય મુલાકાતે આવશે. આ મુલાકાત દરમિયાન, તેઓ ૨૩મા ભારત-રશિયા વાર્ષિક શિખર સંમેલનમાં હાજરી આપશે. આ મુલાકાત દરમિયાન, પુતિન પીએમ મોદીને મળશે.

ભારત અને રશિયા હવે તેમની મિત્રતાને વેપાર ભાગીદારીમાં વિસ્તૃત કરવા તરફ આગળ વધી રહ્યા છે. આ જ કારણ છે કે બંને દેશો વચ્ચે વેપાર વાટાઘાટો પણ થઈ રહી છે.વ્લાદિમીર પુતિનની આ રાજ્ય મુલાકાત ઘણી રીતે ખાસ માનવામાં આવે છે. આ મુલાકાત બંને દેશો વચ્ચે દ્વિપક્ષીય સંબંધોના વિકાસની સમીક્ષા કરશે અને 'ખાસ અને વિશેષાધિકૃત વ્યૂહાત્મક ભાગીદારી'ને મજબૂત બનાવવા માટે એક દ્રષ્ટિકોણ નક્કી કરશે.