નવી દિલ્‍હી, તા.૩: કોંગ્રેસના નેતા રાગિણી નાયકના સોશિયલ મીડિયા પર વડાપ્રધાન નરેન્‍દ્ર મોદીનો એક AI (આર્ટિફિશિયલ ઇન્‍ટેલિજન્‍સ) વીડિયો શેર થતાં જ દેશભરમાં રાજકીય ખળભળાટ મચી ગયો છે. આ વીડિયોમાં PM મોદીને આંતરરાષ્‍ટ્રીય સમિટમાં ચાની કીટલી અને કપ સાથે રજૂ કરવામાં આવ્‍યા છે, જે તેમના ભૂતકાળના ચાયવાલાની ઓળખનો ઉપહાસ કરતો હોય તેવું લાગી રહ્યું છે. ભાજપે આને વડાપ્રધાનની ગરિમાનું અપમાન અને સમગ્ર OBC સમુદાય પરનો સીધો હુમલો ગણાવીને કોંગ્રેસ પર આકરા પ્રહારો કર્યા છે.

કોંગ્રેસ ફરી ૨૦૧૪ જેવી ભૂલ દોહરાવી છે. પીએમના ‘ચાયવાલા' વિડિયોથી રાજકીય ખળભળાટ મચ્‍ચો. ભાજપે કોંગ્રેસ પર આકરા પ્રહારો કર્યા છે.

વડાપ્રધાન નરેન્‍દ્ર મોદીને નિશાન બનાવતો એક AI જનરેટેડ વીડિયો કોંગ્રેસના નેતા રાગિણી નાયકના X (અગાઉનું ટ્‍વિટર) હેન્‍ડલ પરથી હવે આ કોણે કર્યું, ભાઈ (અબ ઈ કૌન કિયા બે)ના કૅપ્‍શન સાથે પોસ્‍ટ થતાં જ વિવાદ વકર્યો છે. આ વીડિયોમાં વૈશ્વિક નેતાઓથી ભરેલી બેઠકમાં PM મોદીને ચાની કીટલી અને કપ સાથે ચા પીરસતા બતાવવામાં આવ્‍યા છે. આ વીડિયો વડાપ્રધાનના ભૂતકાળના ચાયવાલા હોવાના નિવેદનને કટાક્ષના સ્‍વરૂપમાં રજૂ કરે છે. વીડિયો વાઇરલ થતાં જ ભાજપ આક્રમક મૂડમાં આવી ગયું છે અને આ કળત્‍યને રાજકીય સ્‍તરના ઘોર પતન તરીકે જોવામાં આવી રહ્યું છે. કોંગ્રેસ દ્વારા પીએમની છબી ખરાબ કરવા માટે આધુનિક ટેક્રોલોજીના ઉપયોગની આ નવી રણનીતિ સામે ભાજપે મોરચો માંડ્‍યો છે.

ભાજપના રાષ્‍ટ્રીય પ્રવક્‍તા સીઆર કેસવને આ મામલે કોંગ્રેસને આડેહાથ લીધી છે. તેમણે X પર પોસ્‍ટ કરીને કહ્યું કે, કોંગ્રેસનું આ શરમજનક કળત્‍ય તેમના નેતળત્‍વની વિકળત માનસિકતા દર્શાવે છે. તેમણે ભારપૂર્વક જણાવ્‍યું કે આ વીડિયો માત્ર વડાપ્રધાનનું અપમાન નથી, પરંતુ તે ૧૪૦ કરોડ મહેનતુ ભારતીયોનું પણ ગંભીર અપમાન છે. કેસવને આ આકરા શબ્‍દોમાં વખોડી કાઢયું અને તેને કોંગ્રેસ દ્વારા ઓબીસી સમુદાય પરનો સીધો હુમલો ગણાવ્‍યો. ભાજપના નેતાના આ નિવેદનથી વિવાદનો સૂર ઊંચકાયો છે, જ્‍યાં એક પક્ષ રાજકીય કટાક્ષ ગણાવે છે, જ્‍યારે બીજો પક્ષ તેને જાતિગત અપમાન તરીકે રજૂ કરીને રાજકીય લાભ લેવાની કોશિશ કરી રહ્યો છે.

સીઆર કેસવને કોંગ્રેસ નેતળત્‍વ અને ખાસ કરીને રાહુલ ગાંધી પર આકરા પ્રહારો કરતાં જણાવ્‍યું કે કોંગ્રેસ એ હકીકતથી નફરત કરે છે કે ભારતીય જનતા સતત સમર્પણ અને સખત મહેનત દ્વારા આગળ વધેલા PM મોદીને પસંદ કરે છે અને ચૂંટે છે. બીજી તરફ, તેમણે રાહુલ ગાંધી પર કટાક્ષ કરતાં કહ્યું કે જનતાએ અહંકારી અને વિશેષાધિકાર પ્રાપ્ત રાહુલ ગાંધીને વારંવાર નકાર્યા છે, જે કોંગ્રેસની આ નિરાશાનું મૂળ કારણ છે. ભાજપના આ વળતા પ્રહારથી સ્‍પષ્ટ થાય છે કે આ વીડિયો માત્ર એક AI ક્‍લિપ નથી, પરંતુ આગામી ચૂંટણીઓમાં એક મોટો રાજકીય મુદ્દો બની શકે છે, જ્‍યાં ભાજપ PM મોદીની ગરીબ પળષ્ઠભૂમિ અને મહેનતને મુખ્‍ય મુદ્દો બનાવીને વિપક્ષને ઘેરવાનો પ્રયાસ કરશે.

આ પહેલીવાર નથી કે કોંગ્રેસે PM મોદી સામે AI ટેકનોલોજીનો ઉપયોગ કર્યો હોય. અગાઉ, ૧૨ સપ્‍ટેમ્‍બરના રોજ બિહાર કોંગ્રેસે X પર PM મોદી અને તેમના માતાનો AI વીડિયો પોસ્‍ટ કર્યો હતો. તે વીડિયોમાં PMના સપનામાં તેમના માતા આવીને પૂછે છે કે રાજનીતિ માટે કેટલા નીચે ઉતરશો? આ પ્રકારના વીડિયોનું પુનરાવર્તન સૂચવે છે કે કોંગ્રેસ હવે રાજકીય હુમલાઓ માટે AI જનરેટેડ કન્‍ટેન્‍ટનો ઉપયોગ એક હથિયાર તરીકે કરી રહી છે. જોકે, ભાજપ દ્વારા આને OBC અપમાનનો મુદ્દો બનાવીને જોરદાર પ્રતિકાર કરવામાં આવ્‍યો છે, જે દર્શાવે છે કે આ પ્રકારની ટેકનોલોજીનો ઉપયોગ રાજકારણમાં નવા વિવાદો અને આક્રમક વળતા પ્રહારોને જન્‍મ આપી રહ્યો છે.