ઇન્ડિગો એરલાઇન્સે દિલ્હી અને બેંગલુરુ સહિત વિવિધ સ્થળોએ જતી ૧૯ ફ્લાઇટ્સ રદ કર્યા બાદ હૈદરાબાદના રાજીવ ગાંધી આંતરરાષ્ટ્રીય એરપોર્ટ પર અંધાધૂંધી ફેલાઇ હતી. એરપોર્ટે જણાવ્યું હતું કે એરલાઇન સાથે ટેકનિકલ અને ઓપરેશનલ સમસ્યાઓના કારણે ઇન્ડિગોની કેટલીક ફ્લાઇટ્સ પ્રભાવિત થઈ હતી. કેટલીક ફ્લાઇટ્સ મોડી પડી હતી અને કેટલીક રદ કરવામાં આવી હતી, જેના કારણે મુસાફરોને નોંધપાત્ર અસુવિધા થઈ હતી.