બિહારમાં એક ચોંકાવનારી ઘટના સામે આવી છે જ્યાં બે બાળકોની માતા એક પોલીસ કોન્સ્ટેબલના પ્રેમમાં એટલી હદે પાગલ બની ગઈ કે તેણે પોલીસ સ્ટેશનને જ લોહીથી રંગી નાખ્યું. લગ્નની જીદ લઈને પોલીસ સ્ટેશન પહોંચેલી મહિલાને જ્યારે પ્રેમીએ અપનાવવાનો ઇનકાર કર્યો, ત્યારે તેણે આવેશમાં આવીને ધારદાર બ્લેડથી પોતાનો હાથ કાપી નાખ્યો હતો.

આ સમગ્ર ઘટના બિહારના ભાગલપુર જિલ્લાની છે. મળતી માહિતી મુજબ, મહિલાને પોલીસ ખાતામાં ફરજ બજાવતા એક જવાન સાથે પ્રેમસંબંધ બંધાયો હતો. બંને વચ્ચે લાંબા સમયથી સંબંધો હતા, પરંતુ જ્યારે મહિલાએ લગ્નની વાત કરી ત્યારે પોલીસ જવાને પીછેહઠ કરી હતી. દગો મળતા હતાશ થયેલી મહિલા સીધી પોલીસ સ્ટેશન પહોંચી હતી અને ત્યાં હાઈવોલ્ટેજ ડ્રામા સર્જ્યો હતો. 

પોલીસકર્મીઓ કંઈ સમજે તે પહેલાં જ તેણે પોતાની પાસે રહેલી બ્લેડ વડે હાથની નસ કાપી નાખી હતી. લોહીલુહાણ હાલતમાં મહિલાને તાત્કાલિક હોસ્પિટલ ખસેડવામાં આવી હતી. આ ઘટનાએ પોલીસ બેડામાં ભારે ચકચાર જગાવી છે અને પ્રેમ પ્રકરણનો આ કરુણ અંજામ ચર્ચાનો વિષય બન્યો છે.