ઇન્ડિગોને ભારે દંડનો સામનો કરવો પડી શકે છેઃ નિયમોના ઉલ્લંઘનની તપાસ શરૂ
ઇન્ડિગોએ પાઇલટ ડ્યુટી નિયમોનું પાલન ન કરવાની અને પૂરતા પાઇલટ્સ ન હોવાની કબૂલાત કરી છે, જેના કારણે DGCA કડક કાર્યવાહી અને ભારે દંડની ધમકી આપી રહ્યું છે
જો ઉડ્ડયન નિયમનકાર, નાગરિક ઉડ્ડયન મહાનિર્દેશાલય (DGCA) એવું તારણ કાઢે છે કે ઇન્ડિગો સુધારેલા પાઇલટ ડ્યુટી નિયમોનું પાલન કરવામાં નિષ્ફળ ગયો છે અને જાણી જોઈને તેના રોસ્ટરમાં સ્ટાફ ઓછો કર્યો છે, તો બજેટ કેરિયરને અત્યાર સુધીની સૌથી કડક નિયમનકારી કાર્યવાહીનો સામનો કરવો પડી શકે છે
ગાંધી લો એસોસિએટ્સના ભાગીદાર રાહિલ પટેલે જણાવ્યું હતું કે, જો DGCA એવું તારણ કાઢે છે કે એરલાઇન્સે ઇરાદાપૂર્વક ફરજિયાત સલામતી-સંબંધિત રોસ્ટર ફેરફારોમાં વિલંબ કર્યો છે, તો પરિણામો વધુ ગંભીર હોઈ શકે છે. સુધારેલા FDTL (ફલાઇટ ડ્યુટી સમય મર્યાદા નિયમો) ૧ નવેમ્બરના રોજ તેના બીજા અને અંતિમ તબક્કામાં પ્રવેશ્યા, જેમાં જુલાઈમાં લાગુ થનારી સાત જોગવાઈઓ અમલમાં આવી.
બીજા તબક્કા હેઠળ, વહેલી સવારે સુસ્ત સમયગાળા દરમિયાન (સવારે ૨ વાગ્યાથી સવારે ૬ વાગ્યા સુધી) પાઇલટ ડ્યુટી મર્યાદા કડક કરવામાં આવી હતી, જ્યારે થાક સૌથી વધુ જોખમ ઉભો કરે છે. ફકરો ૩.૧૧ નાઇટ ડ્યુટીૅ ને પાઇલટના પસંદગીના સમય ઝોનમાં રાત્રે ૧૨ થી સવારે ૬ વાગ્યા સુધીની કોઈપણ ફરજ તરીકે વ્યાખ્યાયિત કરે છે. ફકરો ૬.૧.૪ આવા સમય દરમિયાન ફલાઇટનો સમય ૮ કલાક, કુલ ડ્યુટી ૧૦ કલાક અને પાઇલટ માટે બે લેન્ડિંગની લાક્ષણિક મર્યાદા મર્યાદિત કરે છે.
ફલાઇટ રદ થયા પછી, DGCA એ અગાઉથી નિયમનકારી માહિતી હોવા છતાં ક્રૂ ઉપલબ્ધતાનો સચોટ અંદાજ કાઢવા, સમયસર તાલીમ આપવા અને રોસ્ટરને પુનર્ગઠન કરવામાં અસમર્થતાની તપાસ કરવા માટે ચાર સભ્યોની સમિતિની રચના કરી. DGCA ને આપેલા પોતાના નિવેદનમાં, ઇન્ડિગોએ જણાવ્યું હતું કે ૧ નવેમ્બરથી તેના રોસ્ટર પર FDTL ફેઝ ૨ ધોરણોની અસરની અપેક્ષા રાખવામાં નિષ્ફળતાના પરિણામે ૅમોટા પાયે ફલાઇટ રદ અથવા વિલંબૅ થયો. એરલાઇને સ્વીકાર્યું કે તેનું ક્રૂ આયોજન અપૂરતું હતું અને સૂચવ્યું કે જરૂરી માપદંડોને પૂર્ણ કરવા માટે આગામી દિવસોમાં નવી ભરતી કરવામાં આવશે.
ઇન્ડિગોએ DGCA ને એ પણ જાણ કરી કે નવેમ્બરમાં રદ કરાયેલી ૧,૨૩૨ ફલાઇટ્સમાંથી ૭૫૫ ફલાઇટ્સ નવા ડ્યુટી કલાકના ધોરણોને લાગુ કરવા માટે જરૂરી અપૂરતા પાઇલટ્સને કારણે હતી. પટેલે જણાવ્યું હતું કે, ઇરાદાપૂર્વકનું પાલન ન કરવું એ પ્રણાલીગત સલામતી ઉલ્લંઘન માનવામાં આવે છે, ઓપરેશનલ લેપ્સ નહીં. DGCA કારણદર્શક નોટિસ જારી કરી શકે છે, દંડ લાદી શકે છે, એરલાઇનના ઓપરેટિગ પરમિટની શરતો કડક કરી શકે છે અથવા ક્ષમતા મર્યાદિત કરી શકે છે.ૅ
પાઇલટ એસોસિએશને ઇન્ડિગો પર નવા ફલાઇટ ડ્યુટી ટાઇમ લિમિટેશન (FDTL) નિયમોમાં છૂટછાટ આપવા માટે નિયમનકાર પર દબાણ કરવા માટે ઇરાદાપૂર્વક પાઇલટ્સની અછત ઊભી કરવાનો આરોપ મૂક્યો છે.
(10:27 AM IST)
છેલ્લા 8 દિવસમાં સૌથી લોકપ્રિય 
