ઉત્તરાખંડના નૈનીતાલમાં એક હોટલમાં ભીષણ આગ લાગી હતી. લાખોનો સામાન બળીને ખાખ થઈ ગયો હતો. ફાયર બ્રિગેડની ટીમો હાલમાં આગ ઓલવવાનું કામ કરી રહી છે. હોટલની અંદર ઘણા લોકો ફસાયા હોવાની આશંકા છે. 

  નૈનીતાલના એસડીએમ નવાજીશ ખાલીકે જણાવ્યું હતું કે, "સાંજે 7:24 વાગ્યે, અમને ચાઇના બાબા વિસ્તારમાં શિશુ મંદિર સ્કૂલમાં આગ લાગવાની માહિતી મળી હતી. અમે તાત્કાલિક જાણ કરી અને ડિઝાસ્ટર કંટ્રોલ રૂમને સક્રિય કર્યો. ત્યાં અગ્નિશામક કામગીરી હાથ ધરવામાં આવી હતી. બધાના પ્રયાસોથી, એક કલાક અને દસ મિનિટમાં આગ પર કાબુ મેળવી લેવામાં આવ્યો હતો." 

  એસડીએમ નવાજીશ ખાલિકે જણાવ્યું હતું કે અકસ્માતમાં કોઈ જાનહાનિના અહેવાલ નથી. ફસાયેલા બે લોકોને સમયસર બચાવી લેવામાં આવ્યા હતા. મુખ્યમંત્રી પુષ્કર સિંહ ધામીએ ઘટનાની નોંધ લીધી છે. તેમણે રાત્રે પણ ફાયર ટેન્ડર ત્યાં તૈનાત રાખવા નિર્દેશ આપ્યો છે.