નાગપુર તા.૧૧: નાગપુરના ડિવિઝનલ કમિશનરની ઓફિસમાં રેવન્‍યુ ડિપાર્ટમેન્‍ટના એડિશનલ કમિશનર રાજેશ ખાવલેની કેબિન બહાર એક તકતી પર અનોખું લખાણ જોવા મળે છે. તકતીમાં એવું લખેલું છે કે ‘હું મારા પગારથી સંતુષ્ટ છું.' આ શબ્‍દોને લીધે લોકલ બ્‍યુરોક્રસી અને ઍડ્‍મિનિસ્‍ટ્રેશનમાં તેમનું નામ અને આ તકતી ચર્ચાનો વિષય બની ગઈ છે.

અમુક ઓફિસર્સે આ વિશે કહ્યું હતું કે ‘ઘણા લોકો ફાઇલોનાં ઝડપી ક્‍લિયરન્‍સ માટે લાંચ આપવાનો પ્રયાસ કરે છે, જ્‍યારે કેટલાક લોકો પ્રેશર બનાવીને કામ કઢાવવાનો પ્રયાસ કરે છે. રાજેશ ખાવલેએ જાહેરમાં આ રીતે એક સ્‍ટ્રોન્‍ગ મેસેજ આપ્‍યો છે.'

ઘણા લોકોએ રાજેશ ખાવલેના આ પગલાને બિરદાવ્‍યું હતું તો કેટલાક ઓફિસર્સે આને ભ્રષ્ટાચાર વિરુદ્ધની ચેતવણી ગણી હતી