વડાપ્રધાન નરેન્દ્ર મોદીએ 'સ્વાહિદ દિવસ' નિમિત્તે આસામ આંદોલનમાં જીવ ગુમાવનાર શહીદોને શ્રદ્ધાંજલિ અર્પણ કરી હતી. તેમણે આ શહીદોના ત્યાગ અને બલિદાનને યાદ કરતા કહ્યું કે આ આંદોલનનું ભારતના ઈતિહાસમાં એક વિશિષ્ટ અને ગૌરવપૂર્ણ સ્થાન છે.

વડાપ્રધાન મોદીએ સોશિયલ મીડિયા અને સત્તાવાર સંદેશ દ્વારા આસામના શહીદોને યાદ કર્યા હતા. તેમણે જણાવ્યું હતું કે આસામની સંસ્કૃતિ, ઓળખ અને અસ્તિત્વને બચાવવા માટે જે વીરોએ પોતાના પ્રાણોની આહુતિ આપી, તેમનું ઋણ રાષ્ટ્ર ક્યારેય ચૂકવી શકશે નહીં. સ્વાહિદ દિવસ એ આસામના લોકોના અદમ્ય સાહસનું પ્રતીક છે.

વડાપ્રધાને વધુમાં ઉમેર્યું હતું કે કેન્દ્ર સરકાર આસામની સમૃદ્ધ સાંસ્કૃતિક વિરાસતનું જતન કરવા અને રાજ્યના સર્વાંગી વિકાસ માટે સંપૂર્ણપણે પ્રતિબદ્ધ છે. આસામ આંદોલન માત્ર એક સંઘર્ષ ન હતો, પરંતુ તે પોતાની માટી અને સંસ્કૃતિ પ્રત્યેના પ્રેનું જીવંત ઉદાહરણ હતું. પીએમ મોદીના આ સંદેશથી આસામના લોકોમાં નવી ચેતનાનો સંચાર થયો છે અને શહીદ પરિવારો પ્રત્યે સંવેદના વ્યક્ત કરવામાં આવી છે.