શ્રી સ્વામિનારાયણ ગાદી સંસ્થાન દ્વારા શ્રી સ્વામિનારાયણ મંદિર, મોમ્બાસા - કેન્યાનો શિલાન્યાસ સમારોહ પરમ ઉલ્લાસભેર યોજાયો.....
શ્રી સ્વામિનારાયણ ગાદી સંસ્થાનના આચાર્ય જ્ઞાનમહોદધિ પરમ પૂજય શ્રી જિતેન્દ્રિયપ્રિયદાસજી સ્વામીશ્રી મહારાજની અધ્યક્ષતામાં "ગ્રંથરત્ન શ્રી શિક્ષાપત્રી દ્વિશતાબ્દી મહોત્સવ" અંતર્ગત શ્રી સ્વામિનારાયણ મંદિર, મોમ્બાસા - કેન્યાનો શિલાન્યાસ વરિષ્ઠ સંતમંડળ અને હરિભક્તોની વિશાળ ઉપસ્થિતિમાં યોજાયો હતો.
મંદિર પરિસર અંગેની મહંત સદ્ગુરુ ભગવત્પ્રિયદાસજી સ્વામીએ વિગતો આપતા જણાવ્યું હતું કે, મંદિર પરિસરની જગ્યા ૧ એકર, ૬૩ મી. x ૬૪ મી., જે મામા નગીના રોડ, ન્યાલી, મોમ્બાસા કાઉન્ટી, જેમાં મલ્ટી પર્પસ હોલ, પ્રાર્થના હોલ, સંતવૃંદનું નિવાસ સ્થાન સહિત વિશાળ પાર્કિંગની પણ વ્યવસ્થા છે.
આ પાવનકારી અવસરે પરમ પૂજ્ય જ્ઞાનમહોદધિ આચાર્ય સ્વામીશ્રી મહારાજે આશિર્વાદમાં જણાવ્યું હતું કે, ભારતીય સંસ્કૃતિની જ્યોત જલતી રહે, સુસંસ્કારિત બને અને બધા નિર્વ્યસની રહે, સજ્જન બને તે માટે આ મંદિર નિર્માણનો ઉદ્દેશ છે, વધુમાં જે વ્યક્તિ જે દેશમાં રહે તે દેશને વફાદાર રહે. આ અણમોલ અવસરનો લ્હાવો ઘણી મોટી સંખ્યામાં દેશ વિદેશના હરિભકતોએ લીધો હતો.
મહંત સદ્ગુરુ ભગવત્પ્રિયદાસજી સ્વામી
(5:44 PM IST)
છેલ્લા 8 દિવસમાં સૌથી લોકપ્રિય 
