ઓપરેશન સિંદૂરમાં પહેલા દિવસે જ ભારત હારી ગયું'તું
કોંગ્રેસના વરિષ્ઠ નેતા પૃથ્વીરાજ ચૌહાણનો વાણીવિલાસઃ શરમ નેવે મૂકી : અકલનું પ્રદર્શન કરતાં એવું બોલ્યા કે હવાઇ હુમલામાં ભારતીય વાયુદળને ભારે નુકસાન થયું: વાસ્તવિકતા જુદી હતીઃ સરકાર સત્ય છુપાવી રહી છે
પુણે તા.૧૭: મહારાષ્ટ્રના ભૂતપૂર્વ મુખ્યમંત્રી અને કોંગ્રેસના નેતા પૃથ્વીરાજ ચવ્હાણે ઓપરેશન સિદૂંર અંગે શરમજનક અને વિવાદાસ્પદ નિવેદન આપ્યું છે. ચવ્હાણે કહ્યું, ઓપરેશન સિદંૂરના પહેલા દિવસે જ આપણે સંપૂર્ણપણે હાર્યા હતા. લોકો માને કે ન માને ૭મી તારીખે થયેલા અડધા કલાકના હવાઈ યુદ્ધમાં આપણે સંપૂર્ણપણે હાર્યા હતા. ભારતીય વિમાનોને તોડી પાડવામાં આવ્યા હતા. વાયુસેના સંપૂર્ણપણે ગ્રાઉન્ડેડ હતી, અને એક પણ વિમાન ઉડ્યું ન હતું. જો કોઈ વિમાન ગ્વાલિયર, ભટિડા કે સિરસાથી ઉડાન ભરે તો પાકિસ્તાન તેને તોડી પાડે તેવી શક્યતા વધુ હતી, તેથી જ વાયુસેનાને સંપૂર્ણપણે ગ્રાઉન્ડેડ રાખવામાં આવી હતી.
પૃથ્વીરાજ ચવ્હાણે પોતાના નિવેદનમાં દાવો કર્યો હતો કે ઓપરેશન સિદૂરના પહેલા જ દિવસે ભારતને કારમી હારનો સામનો કરવો પડ્યો હતો. ભારતીય વાયુસેના હવાઈ હુમલામાં મુશ્કેલીઓનો સામનો કરી રહી હતી. કોંગ્રેસના નેતાએ કહ્યું કે ૭ મેના રોજ લગભગ અડધા કલાક સુધી ચાલેલા હવાઈ યુદ્ધમાં ભારતીય પક્ષને ભારે નુકસાન થયું હતું, જેના પરિણામે ભારતીય લડાકુ વિમાનો તોડી પાડવામાં આવ્યા હતા અને વાયુસેનાની ક્ષમતાઓ પર અસર પડી હતી. ચવ્હાણે એવો પણ આરોપ લગાવ્યો હતો કે ઓપરેશન સિદૂરના સાચા પરિણામો અને લશ્કરી નુકસાન વિશે સંપૂર્ણ સત્ય જાહેર કરવામાં આવ્યું નથી. સરકાર સત્ય છુપાવી રહી છે.
ભાજપે ચવ્હાણના નિવેદન પર આકરી પ્રતિક્રિયા આપી છે. ભાજપે કહ્યું કે કોંગ્રેસ હંમેશા સેના વિરોધી વલણ ધરાવે છે. કોંગ્રેસના નેતાનું નિવેદન રાષ્ટ્રીય સુરક્ષા દળોના મનોબળને નબળું પાડી શકે છે. ભારત અને પાકિસ્તાન વચ્ચેના સંવેદનશીલ સુરક્ષા વાતાવરણમાં સેના વિશે આવી ટિપ્પણીઓ અયોગ્ય છે. કોંગ્રેસે તેના વરિષ્ઠ નેતાના નિવેદન માટે માફી માંગવી જોઈએ.
૨૨ એપ્રિલ, ૨૦૨૫ ના રોજ, જમ્મુ અને કાશ્મીરના પહેલગામમાં આતંકવાદી હુમલો થયો. આતંકવાદીઓએ ૨૬ નિઃશષા લોકોને તેમના ધર્મ વિશે પૂછ્યા પછી મારી નાખ્યા. ત્યારબાદ, ભારતે ઓપરેશન સિદૂંર શરૂ કર્યું. ભારતીય દળોએ પાકિસ્તાનમાં પ્રવેશ કર્યો અને જૈશ-એ-મોહમ્મદ અને લશ્કર-એ-તૈયબા જેવા આતંકવાદી સંગઠનોનો નાશ કર્યો.
પૃથ્વીરાજ ચવ્હાણે વધુમાં જણાવ્યું હતું કે તાજેતરમાં, ઓપરેશન સિદૂર દરમિયાન, આપણે જોયું કે સેના એક કિલોમીટર પણ આગળ વધી ન હતી. બે કે ત્રણ દિવસમાં જે બન્યું તે ફક્ત હવાઈ યુદ્ધ અને મિસાઈલ યુદ્ધ હતું. ભવિષ્યમાં પણ આ રીતે યુદ્ધો લડવામાં આવશે. આવી સ્થિતિમાં, શું આપણે ખરેખર ૧.૨ મિલિયન સૈનિકોની સેના જાળવી રાખવાની જરૂર છે, કે પછી આપણે તેમને કંઈક બીજું કરવા માટે મજબૂર કરી શકીએ? ભાજપના રાષ્ટ્રીય પ્રવક્તા શહજાદ પૂનાવાલાએ ચવ્હાણના નિવેદનોની ટીકા કરતા કહ્યું કે કોંગ્રેસ ભારતીય સશષા દળોને નફરત કરે છે. સેનાનું અપમાન કરવું એ કોંગ્રેસની ઓળખ છે.
ઓપરેશન સિદૂંર ૨૨ એપ્રિલના રોજ પુલવામા આતંકવાદી હુમલાના જવાબમાં ૭ મેના રોજ શરૂ કરવામાં આવ્યું હતું, જેમાં ૨૬ લોકો માર્યા ગયા હતા. ભારતીય સશષ દળોએ પાકિસ્તાન અને પાકિસ્તાન કબજા હેઠળના કાશ્મીરમાં જૈશ-એ-મોહમ્મદ અને લશ્કર-એ-તૈયબા જેવા આતંકવાદી સંગઠનોના ઠેકાણાઓને નિશાન બનાવ્યા હતા. ભારતે આ ઓપરેશનમાં ૧૦૦ થી વધુ આતંકવાદીઓને મારી નાખ્યા. ઓપરેશન સિદૂરના એક અઠવાડિયા પછી, જ્યારે ભારતીય લડાકુ વિમાનોને તોડી પાડવામાં આવ્યાના અહેવાલો સામે આવ્યા, ત્યારે ભારતીય લશ્કરી અધિકારીઓએ એક પ્રેસ કોન્ફરન્સ યોજી. કોન્ફરન્સમાં, એર માર્શલ એકે ભારતીએ આ દાવાઓની પુષ્ટિ કે ખંડન કર્યું ન હતું, પરંતુ જણાવ્યું હતું કે નુકસાન કોઈપણ યુદ્ધ પરિસ્થિતિનો એક ભાગ છે. તેમણે કહ્યું, આપણે યુદ્ધ પરિસ્થિતિમાં છીએ, અને નુકસાન તેનો એક ભાગ છે. પ્રશ્ન એ છે કે, શું આપણે અમારું લક્ષ્ય પ્રાપ્ત કર્યું છે? જવાબ હા છે. વિગતો માટે, હું આ સમયે ટિપ્પણી કરવાનું પસંદ કરીશ નહીં કારણ કે આપણે હજુ પણ યુદ્ધમાં છીએ, અને આનાથી દુશ્મનને ફાયદો થઈ શકે છે. અમારા બધા પાઇલટ્સ ઘરે પરત ફર્યા છે.
(10:49 AM IST)
છેલ્લા 8 દિવસમાં સૌથી લોકપ્રિય 
