નવી દિલ્હી: ભારતીય રેલવેએ મુસાફરોની સુવિધા અને પારદર્શિતા વધારવા માટે ચાર્ટિંગ સિસ્ટમમાં સુધારો કર્યો છે. ટ્રેન ઉપડવાના સમય પહેલાંની પ્રક્રિયા વધુ સ્પષ્ટ બનાવાઈ.

ભારતીય રેલવે દ્વારા ટ્રેન મુસાફરો માટે ચાર્ટ તૈયાર કરવાના નિયમોમાં મહત્વના ફેરફારો કરવામાં આવ્યા છે. જો તમે નિયમિત ટ્રેન મુસાફરી કરતા હોવ, તો આ નવા ફેરફારો જાણી લેવા અનિવાર્ય છે.

નવા સુધારા મુજબ, હવે પ્રથમ ચાર્ટ ટ્રેન ઉપડવાના ૪ કલાક પહેલા તૈયાર કરવામાં આવશે. ત્યારબાદ ખાલી રહેલી બેઠકોનું બુકિંગ ચાલુ રહેશે અને ટ્રેન ઉપડવાની ૩૦ મિનિટ પહેલાં બીજો અને અંતિમ ચાર્ટ તૈયાર કરવામાં આવશે. 

આ ફેરફારથી મુસાફરોને છેલ્લી ઘડીએ કન્ફર્મ ટિકિટ મેળવવામાં સરળતા રહેશે અને વેઇટિંગ લિસ્ટની પ્રક્રિયામાં વધુ પારદર્શિતા આવશે.