નવી દિલ્હી: સુપ્રીમ કોર્ટે રાજધાની દિલ્હી અને એનસીઆર વિસ્તારમાં વધતા પ્રદૂષણને ધ્યાનમાં રાખીને મહત્વનો ચુકાદો આપ્યો છે. કોર્ટે ૧૦ વર્ષથી જૂના ડીઝલ વાહનો અને ૧૫ વર્ષથી જૂના પેટ્રોલ વાહનો પરનો પ્રતિબંધ ફરીથી લાગુ કર્યો છે. ખાસ કરીને જે વાહનો બીએસ-૪ માપદંડ કરતા નીચેના છે, તેમના પર આ પ્રતિબંધ કડક રીતે અમલમાં આવશે.

કોર્ટના આ નિર્ણયથી જૂના વાહન ચાલકો પર મોટી અસર પડશે, પરંતુ પર્યાવરણની સુરક્ષા માટે આ પગલું અનિવાર્ય ગણવામાં આવી રહ્યું છે.