ક્રિસમસ પૂર્વે જ ભારતીય મૂળના કેનેડીયન સાંસદ મજુમદારનો સનસનીખેજ ખુલાસો.
કેનેડામાં પણ ધાર્મિક સ્વાતંત્ર્ય જોખમમાં: કેટલાંક વર્ષોમાં ૧૦૦થી વધુ ચર્ચ સળગાવાયા કે હૂમલા થયા
ઓટાવા/વોશિંગ્ટન, તા.૨૩: કેનેડાના કેલગરી હેરિટેજના સાંસદ શુવ મજુમદારે ક્રિસમસ પર્વ નિમિત્તે એક અત્યંત ચિંતાજનક નિવેદન આપ્યું છે. તેમણે દાવો કર્યો છે કે માત્ર આફ્રિકા કે એશિયામાં જ નહીં, પરંતુ શાંત ગણાતા કેનેડામાં પણ ધાર્મિક સ્વાતંત્ર્ય જોખમમાં છે. તેમના જણાવ્યા અનુસાર, કેનેડામાં ૧૦૦ થી વધુ ચર્ચોને નિશાન બનાવીને સળગાવી દેવામાં આવ્યા છે અથવા તોડફોડ કરવામાં આવી છે. આ ઘટનાઓને તેમણે ધાર્મિક સ્વતંત્રતા પરના હુમલા તરીકે ગણાવી છે.
વિશ્વભરમાં જ્યારે નાતાલની ઉજવણી શરૂ થઈ છે ત્યારે કેનેડાની સંસદના એક ભારતીય મૂળના સાંસદે કરેલા ટ્વીટે આંતરરાષ્ટ્રીય સ્તરે ભારે ચર્ચા જગાવી છે. કેનેડાના ‘હાઉસ ઓફ કોમન્સ' ના સભ્ય અને ‘ઇન્ટરનેશનલ હ્યુમન રાઇટ્સ સબકમિટી' ના વાઇસ ચેર શુવ મજુમદારે સોશિયલ મીડિયા પ્લેટફોર્મ ‘એક્સ' (અગાઉ ટ્વિટર) પર એક ગંભીર પોસ્ટ મૂકી છે.
પોતાની પોસ્ટમાં મજુમદારે લખ્યું છે કે, આફ્રિકાથી લઈને એશિયા સુધી ખ્રિસ્તીઓ બર્બર હુમલાઓ, બળજબરીથી ધર્માંતરણ અને વિસ્થાપનનો સામનો કરી રહ્યા છે. પરંતુ અહીં ખુદ કેનેડામાં, આપણા પોતાના દેશે ૧૦૦ થી વધુ ચર્ચોને તોડફોડ કે આગજનીનો શિકાર બનતા જોયા છે. તેમણે આ ઘટનાઓને ધાર્મિક સ્વતંત્રતાના ધોવાણ સમાન ગણાવી છે અને કહ્યું છે કે કોઈને પણ તેમની શ્રદ્ધા માટે શિકાર બનાવવામાં ન આવે તે સુનિﾍતિ કરવું જોઈએ.
આંતરરાષ્ટ્રીય મીડિયા રિપોર્ટ્સ મુજબ, કેનેડામાં ચર્ચો પરના હુમલાની શરૂઆત મે ૨૦૨૧ પછી થઈ હતી.
ટ્રિગર પોઈન્ટ મે ૨૦૨૧ માં બ્રિટિશ કોલંબિયાની એક જૂની ‘રેસિડેન્શિયલ સ્કૂલ' (જ્યાં સ્વદેશી બાળકોને રાખવામાં આવતા હતા)ની જગ્યાએથી ૨૧૫ બાળકોની અનામી કબરો મળી આવી હોવાના અહેવાલ આવ્યા હતા. આ શાળાઓ ખ્રિસ્તી ચર્ચ દ્વારા ચલાવવામાં આવતી હતી.
આક્રોશ અને હિંસા, આ સમાચાર બાદ દેશભરમાં આક્રોશ ફાટી નીકળ્યો હતો. તેના પ્રત્યાઘાત રૂપે કેનેડાના વિવિધ ભાગોમાં ચર્ચોને નિશાન બનાવવાનું શરૂ થયું.
કેનેડિયન મીડિયા ‘સીબીસી' અને ‘ટ્રુ નોર્થ' ના ડેટા મુજબ, મે ૨૦૨૧ થી ડિસેમ્બર ૨૦૨૩ સુધીમાં ૩૩ જેટલા ચર્ચો સંપૂર્ણપણે સળગીને રાખ થઈ ગયા હતા. જ્યારે કુલ ૯૬ થી વધુ ચર્ચોમાં તોડફોડ, આગચંપી કે અપવિત્ર કરવાની ઘટનાઓ બની હતી. મજુમદારનો ‘૧૦૦ થી વધુ' નો આંકડો આ ઘટનાઓના સંદર્ભમાં છે.
આફ્રિકા અને એશિયાની સ્થિતિ, સાંસદે આફ્રિકા અને એશિયાનો પણ ઉલ્લેખ કર્યો છે.
આફ્રિકા, નાઈજીરિયા જેવા દેશોમાં બોકો હરામ અને અન્ય આતંકી જૂથો દ્વારા ખ્રિસ્તીઓ પરના હુમલા સામાન્ય બન્યા છે. કેટલાક અહેવાલો મુજબ, છેલ્લા વર્ષોમાં હજારો લોકો માર્યા ગયા છે અને અનેક ચર્ચો નષ્ટ કરાયા છે.
એશિયા, પાકિસ્તાન અને અન્ય એશિયાઈ દેશોમાં લઘુમતીઓ પરના અત્યાચાર, બળજબરીથી ધર્માંતરણ અને ઈશનિંદાના કાયદાનો દુરુપયોગ ચિંતાનો વિષય બન્યો છે.
શુવ મજુમદારની આ પોસ્ટ સૂચવે છે કે કેનેડા જેવો વિકસિત દેશ, જે માનવાધિકારોની વાતો કરે છે, ત્યાં પણ ધાર્મિક અસહિષ્ણુતા વધી રહી છે. ૨૦૨૧ ની ઘટના બાદ શરૂ થયેલો સિલસિલો હજુ અટકયો નથી, જે ત્યાંની આંતરિક સુરક્ષા સામે પ્રશ્નો ઉભા કરે છે. મજુમદારે અંતમાં લખ્યું છે કે, સાચો ન્યાય દરેક જગ્યાએ પીડિતોના બચાવથી શરૂ.
(11:20 AM IST)
છેલ્લા 8 દિવસમાં સૌથી લોકપ્રિય 
